Popular Bible Verses from MARKU 9

Share

Yesu gaw, “Nang rai lu n yang gaw! ngu nna hpa majaw tsun n ta? Kam sham ai myit rawng ai wa a matu, n byin mai ai lam hpa mung n nga ai,” ngu nna tsun wu ai.

Shaloi jang kawa gaw, “Ngai kam sham nga nngai, rai ti mung nye a kam sham myit n law li ai, grau nna law wa na matu ngai hpe karum matsan dum la rit law!,” nga nna jahtau tsun ai.

Yesu nta nhku de bai shang wa yang, shi a sape ni gaw, “Anhte hpa rai nat hpe n shaden kau lu ga ta?,” ngu nna mayun san yu mu ai. Yesu gaw, “Akyu hpyi ai hte sha n rai yang, kaga hpa lai ladat hku nna mung ndai baw nat hpe n shapraw kau lu na re,” ngu nna htan mu ai.

“Jum gaw kaja nga ai rai ti mung dai jum hkawng mat a yang gaw nanhte kaning di bai jashum la lu na myit ta? “Nanhte hta hkau chyap kanawn mazum ngu ai jum rawng nga shangun nhtawm, shada da sim sa ngwi pyaw ai hku nga mu,” ngu nna shanhte hpe tsun mu ai.

shanhte hpe, “Ma kaji ni hta na, ndai zawn re ai ma langai mi hpe nye a mying majaw hkap la ai wa kadai mung, ngai hpe hkap la ai rai nga ai; ngai hpe hkap la ai wa gaw ngai hpe sha hkap la ai n rai, ngai hpe shangun dat ai wa hpe mung hkap la nu ai rai nga ai,” ngu nna tsun mu ai.

Ngai nanhte hpe teng teng tsun made ga, nanhte ngai hte seng ai ni rai nga ai nga nna nanhte hpe ntsin gawm mi jaw lu ai wa kadai mung, shi a shabrai teng teng hkam la lu na ra ai.

“Ngai hpe kam sham nga ai ndai ma kaji ni hta na langai mi hpe myit kataw shangun ai wa kadai rai ti mung, shi a du hta htum rin lung kaba langai mi gyit noi nna, panglai hta kabai bang kau na gaw, shi a matu grau nna mai nga ai.

Na a myi gaw, na a makam masham hpe myit kataw shangun a yang gaw, dai hpe malawk kau u! Myi lahkawng maga ahkum ara hte ngarai mung de jahkrat kau ai hkrum na hta, myi maga mi n hkum ai hte Karai Kasang a mungdan de shang na gaw grau mai nga ai.