Popular Bible Verses from MARKU 5

Share

Yesu gaw, “Nye a shayi sha e, na a kam sham ai myit gaw nang hpe shamai ya nit dai. Ngwi pyaw ai hte wa su, na a machyi ai atsu atsam mai wa nu ga,” ngu nna tsun dat wu ai.

Dai yang e, shi lahkawng ning tup grai sawng ai hku sai htaw machyi ai numsha langai mi mung lawm nga ai. Shi gaw tsi sara ni law law a lata hta nni nkri law law hkrum ai hte tsi lajang yu sai. Shi lu malu ja gumhpraw ni mung ma mat sai; rai ti mung mai wa na malai grau grau chyawm sawng wa lu ai.

Numsha gaw Yesu a palawng hpe ahtawk wu ai shaloi jang, shi a sai htaw ai lam hkring mat nna shi a ana mai mat sai hpe shi hkum dai dum chye wu ai.

Dai ma a lata hpe shi jum da nna, “Talitha, koum,” ngu wu ai. (De a lachyum gaw, “Mahkawn ma e rawt u, ngu nna ngai tsun de ai,” nga ai re.)

Yesu ndai lam naw tsun nga yang, Yairu a nta na masha nkau mi sa du nna, “Na a shayi sha si mat sai. Dai sara hpe hpa rai naw shatsang nga na rai ta?,” ngu mu ai. Yesu mahtang, dai sa tsun ai ga hpe na ai rai tim hpa n nawn ya ai sha, “Hkum hkrit et, kam sham ai myit sha rawng nga u,” ngu nna tara jawng agyi wa hpe tsun wu ai.

(Ndai zawn nga nna tsun ai lam gaw, Yesu shi hpe, “N seng ai nat e, ndai masha kaw na pru mat wa u!,” nga nna hkang da nu ai majaw rai nga ai.) Dai majaw Yesu gaw, “Na a mying hpa rai lit ta?,” ngu nna shi hpe san wu ai. Shi gaw, “Anhte law law wa rai nga ga ai majaw, nye a mying Legion rai nga li ai!,” ngu nna shi hpe htan wu ai.