Popular Bible Verses from MARKU 14

Share

“Wa e, nye a Wa e! Nang gaw yawng mayawng hpe dang di lu nga ndai; ndai nni nkri ngu ai gawm hpe ngai kaw na shalai kau ya rit. Rai ti mung, Ngai ra ai hku n rai, na a myit ra ai hku she rai u ga,” ngu nna akyu hpyi wu ai.

Agung alau ai hta nanhte n shang myit ga, amaja nga let akyu hpyi nga mu: Wenyi gaw Karai Kasang a myit ra ai lam galaw shangun mayu nga ai rai ti mung, hkum shan mahtang gawng kya nga ai,” ngu nna tsun mu ai.

Ngai nanhte hpe teng teng tsun made ai gaw, dai Kabu Gara Shiga hpe mungkan ting hkaw tsun ai shara shagu hta e, shi hpe dum na matu ya shi galaw ai amu hpe hkai dan na maru ai,” ngu nna tsun mu ai.

shi shanhte hpe, “Nye a myit masin hta si na daram yawn hkyen ai lam grai kaba nga ai rai nna, dai gaw ngai hpe ganoi noi pyi anyawp dang kau nga ai; nang e nga nga nna amaja nga mala,” ngu nna shanhte hpe tsun mu ai.

Shanhte sha nga ma yang Yesu gaw muk la nna Karai Kasang a chyeju hpe shakawn let akyu hpyi nhtawm, ahkyep alep nna sape ni hpe jaw let, “Ndai la sha mu, ndai muk gaw nye a hkum rai nga li ai,” ngu nna tsun mu ai.

Dai hpang gawm hpe mung shi la nna, Karai Kasang a chyeju hpe shakawn ngut jang, shanhte hpe jaw mu ai; shanhte yawng dai hta na lu ma ai. Yesu gaw, “Ndai gaw law law a matu ru kau ya ai, Karai Kasang a ga shaka hpe dazik dawk ya ai nye a asai rai nga li ai.

Yesu gaw shanhte hpe, “Nanhte yawng hprawng mat nna ngai hpe kau tawn da na marin dai; hpa majaw nga yang, ‘Karai Kasang gaw sagu rem wa hpe sat kau nna, sagu ni ayai aya bra mat na mara ai,” nga nna Chyum Laika ni hta ka da nga ai.

Rawt mu, anhte sa wa saga. Yu mu, ngai hpe ap kau na masha wa gaw nang e rai nga ai,” ngu nna shanhte hpe tsun mu ai.

Yesu gaw Petru hpe, “Ngai nang hpe teng teng tsun de ga, dai na pyi u lahkawng lang garai n goi yang, nang ngai hpe n chye nngai nga nna masum lang nyet kau na rin dai,” ngu nna tsun wu ai.