Popular Bible Verses from MARKU 1

Share

Hpang jahpawt manap jau jau e, nhtoi garai n htoi yang shi yup rawt nna nta na pru mat wa ai. Shi gaw mare kata na pru nhtawm machyi shim ai shara de sa wa nna dai yang e akyu hpyi nga ai.

Shi gaw, “Dai aten ladaw dik wa ai hte, Karai Kasang a mungdan gaw ni wa magang ra ai! Nanhte a yubak mara ni kaw na kayin wa nna Karai Kasang a Kabu Gara Shiga hpe kam sham nga mu!,” ngu nna hkaw dan mu ai.

Shaloi jang dai hka hta na pru lung wa yang, sumsing lamu hpaw malang wa nna dai Wenyi gaw hkrudu langai mi zawn shi a ntsa e yu hkrat wa ai hpe shi mu wu ai. Lamu de na mung, “Nang gaw, nye a tsaw ra ai shadang sha rai nga ndai; nang hta ngai sharawng awng nga nngai,” nga nna nsen ngoi pru ai.

Ngai gaw nanhte hpe hka hta hkalup jaw made ai, rai ti mung shi gaw nanhte hpe Chyoi Pra ai Wenyi hta hkalup jaw na marin dai,” ngu nna hkaw tsun mu ai.

Yesu gaw shan hpe, “Ngai kaw hkan marit, masha hpe hkan hkwi na matu, ngai nan hpe sharin ya made ga,” ngu mu ai. Shaloi jang shan gaw sumgawn ni hpe kau da nna shi kaw hkan nang ma ai.

Shi a sharin shaga ai lam hpe na la ai masha ni gaw mau mat ma ai, hpa majaw nga yang, shi gaw tara sara ni zawn n rai, ahkaw ahkang atsam hte sharin shaga nga ai.