Popular Bible Verses from MAHTE 27

Share

Shana de hkying masum daram hta Yesu gaw nsen kaba hte “Elo-i Elo-i lema sabak htani,” nga nna jahtau ai. De a lachyum gaw, “Nye a Karai Wa e, nye a Karai Wa e, hpa rai nang ngai hpe kau da nga n ta?,” nga ai rai lu ai.

Shaloi, Nawku Htingnu na nba grang gaw ntsa de nna htumpa hkren lahkawng brang ga mat ai. Ginding aga mung ashun awam wa nna, lunghkrung ni ga mat wa ma ai. Lup ni mung hpaw mahka wa nna si mat sai Karai Kasang a masha ni law law wa bai hkrung rawt wa ma ai.

Bai Yesu gaw nsen kaba hte jahtau let shi a nsa hti mat lu ai.

Ya hpyen la dap kung langai mi up ai du wa hte shi hte rau Yesu hpe sin nga ai hpyen la ni gaw nnang nawn hte byin mabyin ni hpe mu mu yang, shanhte hkrit kahpra nna, “Kaja wa ndai wa gaw Karai Kasang a Kasha nan rai nga ai,” nga ma ai.

Shani ka-ang jan pungding madi ai ten kaw nna shana de hkying masum du hkra, mung ting hta e nsin sin chyip rap rai mat ai.

Pilat gaw, “Dai rai yang gaw, Meshia ngu ai Yesu hpe ngai kaning di na we ta?,” ngu nna shanhte hpe san mu ai. Shanhte yawng, “Wudang hta jen sat kau u!,” ngu ma ai. Rai ti mung Pilat gaw, “Dai rai yang gaw, shi n hkru ai hpa wa galaw hkrup sata?,” ngu nna san mu ai. Shanhte chyawm gaw, “Wudang hta jen kau u!,” nga nna nsen htum hkra marawn jahtau bu ma ai.