Popular Bible Verses from MAHTE 18

Share

Hpa majaw nga yang marai lahkawng masum nye a mying hpe gang nna zuphpawng nga ma yang gaw, dai yang shanhte a ka-ang e ngai mung lawm nga nngai,” ngu mu ai.

Bai ngai nanhte hpe naw tsun made ga, nanhte hta na marai lahkawng dinghta ga hta e myit hkrum da ai hte hpa lam hpe mung hpyi mu yang gaw, sumsing lamu e nga ai nye Wa gaw shan a matu dai hpe shatup ya na mu ai.

Dai rai nna shi gaw ma kaji langai mi hpe shaga la nna, shanhte a ka-ang e shatsap tawn nhtawm, “Nanhte hpe ngai teng teng tsun made ga, nanhte myit n kayin nna ma kaji zawn n tai myit yang gaw, sumsing lamu a Mungdan hta nanhte n shang lu na myit dai.

Ndai ma kaji zawn tinang a myit shanem ai wa kadai rai ti mung sumsing lamu a Mungdan hta grau kaba ai wa tai na ra ai.

Ndai ma kaji zawn re ai wa langai mi hpe, nye a mying hpe tau nna hkap la ai wa kadai mung, ngai hpe hkap la nga ai.

“Ngai nanhte hpe teng teng tsun made ga, dinghta ga hta nanhte hkum da mada gaw, sumsing lamu hta mung hkum da ai hkrum na mara ai. Dinghta ga hta nanhte ahkang jaw majaw gaw, sumsing lamu hta mung ahkang jaw ai hkrum na mara ai.

“Shing rai nanhte hta na kadai wa rai ti mung, tinang a hpu nau wa a mara hpe myit masin yawng hte n raw dat kau ya myit yang gaw, sumsing lamu na nye Wa mung, nanhte hpe tai htang na marin dai,” ngu wu ai.

“Ngai hpe kam sham nga ai ndai ma kaji ni hta na langai mi hpe myit kataw shangun ai wa kadai mung, shi a du hta htum rin lung gyit noi nna, panglai na sung htum ai shara de jahkrat bang kau na shi a matu grau kaja nga ai.

“Nanhte kaning ngu myit da mu ta? Masha langai mi sagu latsa lu nna, dai hta na langai mi dam mat yang, dai jahku shi jahku hpe kawng marawn wudat shara hkan e tawn da nhtawm, dam mat ai sagu hpe sa tam na ra ai.