Popular Bible Verses from MAHTE 13

Share

Ga kaja hta gat ai nli tum ni chyawm gaw, dai mungga hpe na la nna, chye na hkap la ai ni hpe ngu ai rai nga ai. Shanhte gaw kaja wa teng teng asi si nna, nkau mi dang latsa, nkau mi kru shi, nkau mi sumshi jat wa ai hpe ngu ai rai nga ai,” ngu mu ai.

Ju hpun hta hkrat ai nli tum ni gaw, dai ga hpe na la ti mung, ndai prat na myit tsang ai hte sut gan marin myit gaw, dai mungga hpe lim kau nna asi n si lu ai hte bung nga ma ai.

Dai mungdan a lam na la ai ni kadai rai ti mung, dai hpe n chye na ai ni gaw, lam makau e hkrat ai nli tum hte bung ma ai. N hkru ai wa sa du nna shanhte hta gat bang tawn ai nli tum hpe shaw la kau ya wu ai rai nga ai.

Lungrawk hta gat ai nli tum gaw, dai mungga hpe na nna, shaloi jang kabu gara ai myit hte hta la wu ai. Rai ti mung kraw hta e ru sung sung n jung ai majaw, shanhte na na n grin ma ai. Shing rai dai mungga a majaw ru tsang ai hte zingri zingrat hkrum jang kalang ta htak mat ai ni hte bung nga ai.

“Sumsing Lamu a Mungdan gaw, ga dachyawk hta e makoi da nna masha langai mi e mu hkrup ai hte bai makoi da ai sutgan hte bung nga ai. Kabu gara ai myit hte shi wa nhtawm, shi lu malu hte hpe dut kau nna, ga dachyawk dai hpe mari la wu ai.

Rai ti mung nkau mi gaw ga kaja hta hkrat wa nna, asi si wa ai; nkau mi dang latsa, nkau mi kru shi, nkau mi sumshi mayat wa ai.”

Dai majaw, dai lahkawng yan nmut ta du hkra, rau tu kaba wa mu ga; nmut ta du jang, tsing hpe shawng dan mahkawng nna, nhtan nhtawm wan hta nat kau mu; dai mam hpe chyawm gaw, nye a dum hta e mahkawng da mu, ngu nna mam dan ai ni hpe ngai tsun na mawe ai,’” ngu mu ai.