Popular Bible Verses from LUKA 2

Share

Dai ni na nhtoi hta Hkye Hkrang La ai Wa Hkristu ngu ai Madu gaw, Dawi a mare e nanhte a matu shangai wa sai.

Rai ti mung, lamu kasa gaw, “Hkum hkrit myit! Masha nlang a matu nachying kabu gara mai ai shi ga ngai nanhte kaw gun sa ring ngai.

“Matsaw lahta tang e Karai Kasang gaw hpung shingkang rawng nga u ga; Ga ntsa e mung, shi sharawng awng ai masha ni hta, ngwi pyaw ai gaw anga nga nu ga law!” nga ma ai.

Yesu gaw gawng shingyan kaba wa nna, hpaji byeng-ya kung hpan wa ai hte, Karai Kasang a man e mung, masha a man e mung, myi man pa wa nga ai.

Ma chyangai langai mi nbat hte kayawp nna ushat wakang hta kaleng taw nga ai hpe nanhte mu na marin dai; dai gaw shangai wa sai ma teng teng rai nga ai lam nanhte chye lu na matu kumla rai na ra ai,” ngu nna shanhte hpe tsun mu ai.

Ya dai ginwang daw ni hta sagu rem ai masha ni urawng udat hkan e nga ma ai rai nna, shanhte a sagu hpung ni hpe shana na ahkying ladaw ni hta sin nga ma ai. Shaloi dai Madu a lamu kasa langai mi shanhte a man e dan pru nna, dai Madu a hpung shingkang shanhte a grup yin htoi kabrim wa ai. Dai rai nna shanhte gaw hkrit kaba hte hkrit mat ma ai.