Popular Bible Verses from YAWSHU 10

Share

Dai amyu gaw gumlau hpyen ni hpe gasat dang kau lu ai aten du hkra, ajan gaw ala nga nna, shata mung hkring nga ai. Ndai a lam Yashara a Laika hta ka da nga ai. Ajan gaw lamu ka-ang e hkring nan nga nna shani tup jan n shang ai nga nga ai.

Dai MADU gaw Amori hpyen ni hpe dang kau ai awng padang Israela amyu masha ni hpe jaw ya ai shani, Yawshu gaw dai MADU hpe ga shaga wu ai. Shi gaw Israela amyu masha ni a man e ning ngu tsun wu ai: “Jan e, Gibeon a ntsa e naw la u; Shata e, Aiyalon Kadit e naw hkring u.”

Dai MADU gaw masha a ga madat ya nna, dai zawn re ai nhtoi lani mi mung, shawng de, hpang de n byin yu nga ai. Dai MADU chyawm gaw Israela ni a hpang maga de gasat ya nga ai.

Dai MADU gaw Yawshu hpe, “Shanhte hpe hkum hkrit et; ngai nang hpe awng padang jaw ya sade ai. Shanhte hta na kadai mung nang hpe hkap daw lu na ma ai n rai,” ngu nna tsun wu ai.

Dai hpang Yawshu gaw shi a du salang ni hpe, “Hkum hkrit nga myit, myit hkum daw nga myit. Dai MADU gaw nanhte a gumlau hpyen ni yawng hpe ning rai galaw na rai nga ai majaw myit jahkut daw dan nna kam hpa nga mu,” ngu nna tsun wu ai.