Popular Bible Verses from YAWSHU 1

Share

Ngai nang hpe hkang da sade ai hte maren, myit jahkut daw dan nna kam hpa nga na hpe adum nga u! Hkum hkrit et; myit hkum daw hkum hten et. Dai MADU na a Karai Kasang ngai gaw nang hkawm sa ai shara shagu hta nang hte rau rai nga nngai,” ngu nna tsun wu ai.

Nanhte a nawku hpawng hta ndai tara laika hpe teng teng ahti nga lu na rai nga ai. Dai hpe shani shana hti yu nhtawm dai hta ka da mada yawng hpe nang teng teng madat mara hkan sa lu na rai ndai. Shaloi nanhte ngamu ngamai wa nna awng dang lu na rai myit dai.

Myit jahkut daw dan nna kam hpa u; nye a shangun ma Mawshe nang hpe jaw ya sai Tara mahkra hpe teng teng madat mara hkan sa na rai ndai. Dai tara daw chyen mi hpe pyi n gawn n sawn hkum di kau et; shing rai jang, nang du hkawm ai shara shagu hta awng dang ai chyeju hkam la lu na rai ndai.

Yawshu e, nang ahkrung nga dingsa kadai mung nang hpe dang lu na ma ai n rai; ngai gaw Mawshe hte rau nga lai wa ai zawn nang hte mung rau nga nga na nngai. Ngai gaw nang hte tut nawng rau anga nga na nngai; ngai nang hpe galoi mung kau da na nngai n rai.

Myit jahkut daw dan nna kam hpa nga u; ngai gaw shanhte a kaji kawa ni hpe ga sadi tawn da sai ndai mungdan hpe shanhte madu la ma ai shaloi, nang gaw dai amyu masha ni a ningbaw tai na rai ndai.

Ngai gaw Mawshe hpe ndat da ai hte maren nanhte kabye du na rai myit dai, dai mungdan ting hpe nang hte nye a amyu masha ni yawng hpe jaw da made ai.

Shi gaw, “Nye a shangun kasa Mawshe si mat sai. Dai rai nna nang hte Israela amyu masha ni yawng ngai shanhte hpe jaw na ngu ai mungdan de, Yawdan hka rap sa wa na matu, ya jang jin jin rai nga mu.

Dai MADU a shangun kasa Mawshe si mat ai hpang, shi hpe karum ai Nun a kasha Yawshu hpe dai MADU ga shaga wu ai.

Nanhte a lamu ga jarit gaw dingda maga nam mali kaw nna dingdung maga Lebanon Bum ni nga ai de du hkra, sinpraw maga Uhprat hka nu kaw nna Hiti mung hkren, sinna maga nga ai Ka-ang Panglai de du hkra rai na rai nga ai.

Na a daru magam ahkang aya hpe san nna na a hkang da ai ga hpe n madat n mara ai wa kadai rai ti mung, sat kau ai hkrum lu na rai nga ai. Dai rai nna myit jahkut daw dan ai hte kam hpa nga u!,” ngu nna tsun wu ai.

amyu masha ni hpe, “Dai MADU nanhte a Karai Kasang nanhte hpe jaw ya ai mungdan hpe madu la na matu masum ya e, ndai Yawdan hka rap na rai nga manit dai majaw, lusha jarit jin jin jahting da manu,” ngu nna tsun wu ai.