Popular Bible Verses from TARA AGYI 6

Share

Dai MADU a lamu kasa gaw dai yang e shi kaw dan pru nna, “N-gun ja nna share ai wa e, dai MADU gaw nang hte rau rai nga ai!,” ngu nna tsun wu ai.

Dai hpang dai MADU gaw shi hpe, “Nang hta rawng ai n-gun mahkra hte Israela amyu masha ni hpe dai Midian masha ni a lata kaw na hkye mawai la su; ngai nan nang hpe shangun dat nga nngai,” ngu nna hkang dat wu ai.

Dai MADU mung, “Ngai nang hpe karum la na rai nga nngai majaw nang gaw dai amu hpe galaw lu na rai ndai. Nang gaw shanhte hpe marai mi hpe zawn loi loi hte dai Midian masha ni hpe agrawp kau lu na rai ndai,” ngu nna htan wu ai.

Gidon gaw shi hpe, “Madu e, dai MADU anhte hte rau rai yang, hpa majaw ndai lam ni yawng anhte hta byin hkrum a ta? Dai MADU gaw anhte hpe Egutu mung na woi wa sai n rai ni?, nga nna anhte a kawa ni anhte hpe tsun dan ai mauhpa amu yawng mayawng gaw hpa baw rai mat nga a ni? Dai MADU gaw anhte hpe kau da nhtawm Midian masha ni a lata hta kabai kau da mani ai,” ngu nna ngai san mai nga nngai ngu tsun wu ai.

Gidon gaw, “Rai ti mung Madu e, ngai gaw Israela masha ni hpe kaning rai hkye mawai la lu na rai nga a ta? Nye a amyu lakung lama gaw Manashe amyu bawsang ni hta n-gun kya htum ai she rai nga ai, nye a dinghku hta mung ngai gaw hpa n tai htum ai wa rai nga nngai,” ngu nna htan wu ai.

Dai hpang dai MADU a lamu kasa mahtang Ohpra kahtawng de sa nna, Abieza lakung lama hta na Yoasha ngu ai wa madu da ai wamyi hpun nhpang e dung nga ai. Shi a kasha Gidon chyawm gaw Midian masha ni shi hpe n mu lu u ga, sabyi shup ai htumbyen hta hkaulan mam lagyim adup wu ai.

Gidon gaw dai yang e dai MADU a matu tawn hkungri galaw nhtawm dai hpe “Dai MADU gaw ngwi pyaw sim sa nga ai.” ngu nna shamying wu ai. (Dai gaw dai ni du hkra Abieza a lakung lama ni a sali ga Ohpra shara e naw nga nga ai.)

Gidon gaw, “Nang ngai hpe awng sharawng nga ndai rai yang, nang teng teng dai MADU rai nga ai sakse ngai hpe madun dan e law.

Rai ti mung dai MADU gaw shi hpe, “Ngwi pyaw sim sa nga lit ga, hkum hkrit et; nang si na ndai n rai,” ngu nna tsun wu ai.

Israela amyu masha ni gaw dai MADU hpe lang mi bai yubak mara galaw shut kau ma ai rai nna shi gaw Midian masha ni hpe sanit ning up hkang shangun wu ai.