Popular Bible Verses from YAKU 4

Share

Dai re ai majaw Karai Kasang a npu e taw nga nna shi a myit ra ai lam hkan mu. Satan wa hpe ninghkap gasat kau mu; shing rai yang shi nanhte kaw na hprawng mat na ra ai.

Karai Kasang hpang de sit sa wa mu; shaloi shi nanhte hpang de sit wa na ra ai. Yubak lu ai ni e, nanhte a lata ni hpe jasan jaseng da mu. Sawt ai ni e, nanhte a myit masin kraw lawang ni hpe jasan jaseng da mu.

Nanhte gaw nanhte a hkum hpe dai Madu a man e shagrit shanem nga mu; shing rai yang shi nanhte hpe shagrau shatsaw na marin dai.

Rai ti mung Karai Kasang anhte hpe jaw ya ai dai chyeju mahtang gaw grau nna n gun atsam rawng nga ai. “Karai Kasang gaw gumrawng gumtawng ai ni hpe nhtan shai ninghkap nna myit shagrit shanem ai ni hpe chyeju jaw nga ai,” nga nna Chyum Laika hta tsun ai hte maren rai nga ai.

Dai re majaw dai mai kaja ai amu galaw ra nga ai ngu nna chye ninglen n galaw ai wa gaw mara lu nga ai.

Nanhte hpyi myit dai shaloi, nanhte n lu la myit dai; hpa majaw nga yang nanhte a kraw na maw mawn ai myit mahtang n kaja nga malit dai hte nanhte gaw nanhte pyaw daw lam hta jai lang na matu she hpyi nga myit dai.

Nanhte gaw sadi n dung ai masha ni rai nga myit hka! Mungkan ga hte jinghku hku ai ngu ai gaw Karai Kasang a hpyen tai nga ai ngu ai hpe nanhte n chye nga myit ni? Mungkan ga a jinghku tai mayu ai wa kadai mung tinang a hkum hpe Karai Kasang a hpyen shatai nga ai.

Nanhte gaw hpawt ni e nanhte a asak hpa byin na ra ai hpe pyi nanhte n chye nga myit dai! Nanhte gaw chyahkring mi sha mawng kahpawk dan pru nna bai hkoi mat ai wan hkut hte bung nga myit dai.