Popular Bible Verses from PRU MAT WA AI 34

Share

Dai MADU mung shi a man hku lai wa let, “Ngai MADU nan gaw matsan dum ai n-gaw n wai ai myit hpring hkra rawng ai, myit galu kaba nna tsaw ra myit hte sadi sahka ai hpe madun dan ai Karai Kasang rai nga nngai. Ngai gaw nye a ga sadi hpe prat ban hkying mun du hkra shadik shatup nna n hkru ai amu hte yubak mara ni hpe raw dat kau ya nga nngai; rai ti mung, kashu kasha ni hpe chyawm gaw shanhte a kanu kawa ni shut hpyit kau ai yubak mara ni a majaw prat ban masum mali du hkra ari n jaw ai nga na n rai,” ngu nna tsun wu ai.

Ngai MADU nan shingjawng kashun ai hpe n hkam sharang lu nga nngai majaw kaga hpara shaje hkum nawku myit.

Dai MADU gaw Mawshe hpe, “Ya ngai Israela amyu masha ni hte ga shaka langai shagrin da na nngai. Ga ntsa ting na mungdan amyu mahkra hta galoi mung n galaw yu ai mauhpa amu kaba ni hpe shanhte a man e ngai galaw shapraw na we ai. Na a matu ngai galaw na amu gaw hkrit hpa amu rai nga ai majaw, Ngai MADU nan galaw lu ai amu kaba ni hpe amyu masha ni yawng mu lu na mara ai.