Popular Bible Verses from PRU MAT WA AI 20

Share

“Ngai gaw nang mayam sa tai nga ai Egutu mung kaw na woi shapraw wa ai dai MADU na a Karai Kasang rai nga nngai. “Ngai hta kaga karai kasang shaje hpe nawku lu na n rai.

“Sumsing lamu hta mung, ginding aga ntsa e mung, ga a npu na hka hta rawng ai arai hte bung ai sumla ni mung, nang na a matu hkum galaw et. Kaning re ai hpara sumla hpe mung hkum kadawng, hkum nawku et. Ngai gaw dai MADU na a Karai Kasang rai nga nngai majaw shingjawng kashun ai hpe ngai hkam sharang nngai n rai; ngai hpe n dawng n yawt ai amyu matu ni hpe ban masum mali du hkra ngai ari jaw nngai.

“Na nnu yan nwa hpe hkungga lara di u; shaloi ngai nang hpe jaw da ai lamu ga hta asak galu ai hte shanu nga lu na ndai.

“Bansa Nhtoi hpe hkungga lara ai hte dai nhtoi hpe shachyoi shapra nga u.

“Nye a mying ningsang hpe n hkru ai shatawng shada lam ni hta hkum lang et. Ngai gaw dai MADU na a Karai Kasang rai nga nngai majaw, nye a mying ningsang hpe n sawn n sang di ai wa kadai hpe mung ari jaw na we ai.

Na a magam bungli shachyen na, kru ya nhtoi tup nang lu nga ndai, rai ti mung, sanit ya nhtoi gaw nye a matu ap nawng da sai bansa ai shani rai nga ai. Dai shani e, nang mung, na a kashu kasha ni mung, na a mayam ni mung, na a yam nga ni mung, na a mung hta sa shanu nga ai maigan masha ni kadai mung magam bungli galaw lu na myit dai n rai.

“Kaga masha wa a nta hpe ra marit ai myit hkum rawng et. Shi a madu jan hpe mung, mayam num ni hpe mung, shi a dumsu hte lawze ni hpe mung, shi madu tawn ai arai hpa hpe mung hkum ra marit nga et.

“Kadai hpe mung n teng n man ai hku mara hkum shagun et.

“Num shaw la shaw amu hkum shut et.

“Masha hkum sat et.

“Masha arai hkum lagu et.