Popular Bible Verses from PRU MAT WA AI 10

Share

Dai hpang dai MADU gaw Mawshe hpe, “Hkawhkam wa kaw sa yu su. Shanhte a ka-ang e ndai mauhpa lamik kumla ni galaw dan na matu mung, mauhpa lamik kumla ni hpe ngai shapraw dan ai shaloi, Egutu masha ni hpe ngai kaning rai mana shachyoi kau ni ai gaw na a kasha ni hte kashu ni hpe nang tsun dan lu na matu mung, ngai gaw shi hte shi a du salang ni hpe myit shaja ya ni ai. Nanhte yawng mung Ngai nan dai MADU rai nga nngai hpe chye lu na myit dai,” ngu nna tsun wu ai.

Dai hpang dai MADU gaw Mawshe hpe, “Na a lata lamu de sharawt tawn u; shaloi masawp hkrup lu ai dai htat ai nsin gaw Egutu mung hpe ka-up jasin kau na ra ai,” ngu nna tsun wu ai. Mawshe mung shi a lata hpe lamu de sharawt dat wu yang, Egutu mung ting hta masum ya tup nsin chyip rai mat nga ai. Egutu masha ni mung shada da n mu lu ma ai rai nna, dai aten laman kadai mung tinang nang a nta kaw nna n pru sa lu ma ai. Rai ti mung Israela amyu masha ni shanu nga ai mung hta chyawm gaw nhtoi lu ma ai.

Shaloi Mawshe gaw shi a dawhkrawng sharawt dat wu ai shaloi dai MADU gaw sinpraw nbung hpe dai mung a ntsa e shani shana bung shangun nhtawm, jahpawt rai jang, dai nbung gaw dinggam-yaw ni hpe woi kanawng da wu ai. Dai ni gaw mungdan ting a ntsa e shang kahpoi nna hkrat ka-up nga ma ai. Dai gaw nachying kaba ai dinggam-yaw wunawng mi rai nna, shawng de mung n byin yu, hpang de mung dai zawn re ai hpe bai mu lu na ra ai n rai.