Popular Bible Verses from TARA JAHPRANG 11

Share

Nanhte a kashu kasha ni hpe ga dai ni sharin achyin ya mu; nanhte nta e nga nga yang mung, hkawm sa nga yang mung, hkring sa ai hte magam bungli galaw nga yang mung ga dai hpe atsun nga lu na rai myit dai.

“Ndai hkang da ai ga ni hpe adum nga let, manu shadan nhtawm shagrau nga mu. Nanhte a lata lahpum ni hta dai ni hpe hkawn da nna, kahtan ni hta masat langai zawn sumraw da na rai myit dai.

“Dai rai nna dai ni ngai nanhte hpe jaw ya sai hkang da ai ga ni hpe madat mara hkan sa let dai MADU nanhte a Karai Kasang hpe tsaw ra nna myit masin mahkra hte shi hpe daw jau nga mu. Nanhte hkan galaw myit yang gaw nanhte a matu nsi naisi, sabyi ntsin hte tsanlun sau re ai ni hpe shu la lu hkra mung, nanhte a yam nga hpung ni a matu tsingdu tsingman ni hpe mung mahpawng hpaw marang, hpang shadoi htu marang shi jahtu ya na ra ai.

“Dai MADU nanhte a Karai Kasang hpe tsaw ra let, shi a tara ni yawng hpe tut nawng madat mara hkan sa na rai myit dai.

“Dai ni, nanhte a lapran e shaman chyeju lam hte dagam dala lam lata la na matu ngai jaw ya nga nngai; dai ni ngai nanhte hpe jaw ya nga ai, dai MADU nanhte a Karai Kasang a hkang da ai ga hpe nanhte madat mara myit yang gaw shaman chyeju lam rai nga ai; rai ti mung nanhte gaw dai hkang da ai ga ni hpe n madat n mara ai sha, lam yit mat nna shawng de nanhte galoi mung n naw n ku yu ai karai shaje ni hpe nawku myit yang chyawm gaw dagam dala ai lam rai na ra ai.

Ga dai hpe nanhte a nta chyinghka hkadun ni hte mare chyinghka ni hta ka da na rai myit dai. Dai hpang, nanhte a nji nwa ni hpe jaw na nga, dai MADU nanhte a Karai Kasang a ga sadi jaw da ai mungdan hta nanhte hte nanhte a kashu kasha ni aten galu nga nga lu na rai myit dai. Nanhte mung dai yang e, ginding aga ntsa sumsing lamu grin nga dingsa shanu nga lu na rai myit dai.

Nanhte gaw kaga karai ni hpe nawku daw jau na nga, dai MADU kaw na lam hkum yit mat nga myit.