Popular Bible Verses from Daniela 9

Share

Ngai gaw dai MADU nye a Karai Kasang hpe akyu hpyi let nye a amyu masha ni a yubak mara ni hpe yin la nga nngai. Ngai gaw, “MADU Karai Kasang e, nang gaw galu kaba nga ndai majaw anhte nang hpe shagrau sha-a ga ai. Nang gaw na a ga shaka hta sadi dung nga ndai rai nna nang hpe tsaw ra ai ni hpe dinggrin tsaw ra myit madun dan nna nang hkang da ai hte maren hkan galaw nga ndai.

O karai Kasang e, anhte a ga madat ya mi; anhte hpe mada yu nna anhte hkrum sha ai tsin-yam tsindam hpe mung, na a mying gang ai mare a nni nkri hpe mung mu ya e. Anhte gaw jaw ai amu galaw ga ai majaw n rai, nang nan matsan dum ai wa rai nga ndai majaw sha nang kaw anhte akyu hpyi nga ga ai. Madu e, anhte a ga na ya e. Madu e, anhte a mara dat ya mi. Madu e, anhte a ga madat ya ai hte shabyin ya mi! Nang Karai Kasang rai nga ndai hpe masha shagu chye na wa lu mu ga, hkum kanung nga et! Ndai mare hte ndai amyu masha ni gaw na a ni rai nga lit dai,” ngu nna tsun nngai.

Ngai gaw lusha gam let lachyit nba bu hpun nhtawm wan dap galu ai hte MADU Karai Kasang kaw akroi anoi akyu hpyi let hpyi nem nngai.

Anhte nang hpe gumlau kau saga tim, nang gaw matsan chye dum ai hte mara raw dat ya ai wa rai nga ndai.

Dai up hkang du wa gaw masha law law hte ngang ai myit hkrum ga shaka hpe sanit ning tawn da na ra ai, dai aten ka-ang hkup lai mat wa jang, shi gaw shagu hkungga ni hte shadung hkungga ni hpe jahtum kau na ra ai. Dai Hkrit Si na zawn re ai wa gaw Nawku Htingnu a tsaw htum ai nchyun hta sa nga nga nna, Karai Kasang shi a matu ngu nna hkyen da ya hkrum ai wa hte dai yang e hpang jahtum wa hkrum hkat ai aten du hkra nga nga na ra ai,” ngu nna sanglang dan wu ai.