Popular Bible Verses from KASA 16

Share

Shaloi shan gaw, “Madu Yesu hpe kam sham u, shaloi nang hte na nta masha ni nlang hkye hkrang la ai kaw du lu na marin dai,” ngu nna htan mu ai.

Ya shana yuptung hpawa e Pawlu yan Sila gaw akyu hpyi ai hte, Karai Kasang hpe mahkawn shakawn nga ma ai rai nna, bawng dung ai ni shan a ga madat nga ma ai. Shaloi grai ja ai nnang nawn kaba langai mi wa nna, htawng nta npawt nhpang ni awam wa ai, shaloi jang chyinghka ni mahkra hpaw malang mat shajang nna bawng masha ni yawng a hkang hkyihkyang ni malaw mat wa ai.

Bai shan hpe woi pru nna, “Madu yan e ngai hkye hkrang la ai kaw du lu hkra kaning rai na rai ta?,” ngu nna san mu ai.

Htawng agyi wa mung yup hprang nna htawng chyinghka ni hpaw malang taw nga ai hpe mu jang bawng masha ni hprawng pru mat ma sai zawn nawn nna nhtu hpe garawt shaw nhtawm, shi dai galun si na hkyen nga ai. Rai ti mung Pawlu gaw, “Nang dai, na a hkum hpe hkum shaza et, anhte yawng ahkum, ara rai nga ga ai law!,” ngu nna aja awa jahtau tsun wu ai.