Popular Bible Verses from 2 HTESALONI 2

Share

Gara hku rai ti mung, nanhte hpe gade e mung n hkalem kau myit ga. Hpa majaw nga yang, hpang jahtum Karai Kasang hpe gumlau ai lam garai n byin yang, ngarai mung de jahkrat kau hkrum na rai nga ai n hkru Ai Wa garai n paw pru yang dai nhtoi du na ra ai n rai.

Madu a tsaw ra ai hpu nau ni e, nanhte a majaw anhte gaw Karai Kasang a chyeju hpe tut nawng e shakawn kungdawn lu na ra ga ai. Hpa majaw nga yang, Karai Kasang gaw, nanhte hpe chyoi pra ai masha shatai ai Wenyi a n-gun atsam hte mung, teng man ai hpe kam sham ai nanhte a makam masham hte mung, shawng na hkye hkrang la hkrum ai ni hku nna nanhte hpe lata la sai.

Shi gaw masha ni nawku daw jau nga ai karai ngu ai baw nga manga hpe nhtan shai ninghkap nna, shi hkum nan hpe yawng mayawng a ntsa e hpung shingkang grau rawng ai wa re ngu nna shagrau shatsaw na ra ai. Shi gaw Karai Kasang a Nawku Htingnu kata de pyi sa shang dung nga nna shi hkum dai Karai Kasang re ai ngu nna tsun ndau na ra ai.

Anhte a Madu Yesu Hkristu shi nan hte anhte hpe tsaw ra nna shi a chyeju hte anhte hpe htani htana grin ai nden marai hte ngang kang ai myit mada shara jaw ai Wa Karai Kasang gaw, nanhte hpe galoi mung mai kaja ai lam tsun shaga galaw gunhpai nga lu myit ga n-gun jaw shangang shakang ya u ga law.

Dai re ai majaw, dai sawt ai lam hpe shanhte kam sham hkra Karai Kasang gaw dai shut ai lam a n-gun atsam shanhte hta amu galaw na matu shangun dat wu ai.

Dai N hkru Ai Wa gaw Satan a n-gun atsam hte du sa na ra ai rai nna masu ai lamik kumla amyu myu hte mauhpa amu ni hpe galaw dan na ra ai. Dai hta n-ga hten byak hkrum na ni a ntsa e, n hkru n kaja ai hku hkalem hkalau ai lam amyu baw sumhpa galaw na ra ai. Shanhte gaw hkye hkrang la hkrum na matu dai teng man ai lam hpe n hkap la ai hte n tsaw ra ma ai majaw, shanhte hten za si mat na mara ai.

Chye na yak ai makoi magap da ai n hkru ai atsam gaw ya e pyi bungli galaw nga sai; rai ti mung ban hkum ai wa hpe shi a shara kaw na yeng seng kau ai aten garai n du yang, dai lam byin wa na ra ai n rai.