Popular Bible Verses from 2 KORINHTU 9

Share

Karai Kasang gaw nanhte a ra kadawn ai hta jan hkra jaw lu nga ai. Shing rai nanhte tinang a matu ra ai lam magup lu la na rai nga ai hta kaga mai kaja ai magam bungli shagu a matu ra ai hta jan hkra lu la na rai myit dai.

Lahpawt ai myit hte mung n rai, jaw ra ai lit a majaw sha mung n re ai sha, langai hte langai gaw tinang a kraw lawang e myit da ai hte maren jaw u ga; hpa majaw nga yang, Karai Kasang gaw kabu gara ai myit hte jaw ya ai wa hpe tsaw ra nga ai.

Nli loi sha mi gat ai wa gaw nsi naisi loi sha mi dan la lu na ra ai, nli law law gat ai wa gaw law law shu la lu na ra ai hpe nanhte myit dum sadi nga mu.

Nli gat ai wa hpe nli jaw nna malu masha shabyin ya nga ai Karai Kasang gaw nanhte hta ra ai nli law hkra hpe mung, jaw ya ai hta n ga, dai nli hpe kaba wa shangun nna nsi naisi law law si wa shangun nga ai. Dai gaw nanhte a ndaw nhta jaw ya ai shawang myit hta na nsi naisi hpe ngu ai rai nga ai. Nanhte a lata hku nna shanhte hkap la lu ai nanhte jaw ya ai alu kumhpa ni a majaw masha law law wa Karai Kasang a chyeju hpe shakawn na mara ai. Nanhte aten shagu shawang kumhpa ndaw nhta jaw ya lu hkra Madu gaw nanhte hpe galoi mung sut su shangun na ra ai.

Manu sawn n dang lu ai Karai Kasang a chyeju kumhpaw kumhpa a majaw shi hpe chyeju shakawn nga ga law!