Popular Bible Verses from 1 TIMOHTI 4

Share

Nang asak naw kaji ai brang ram rai nga ndai majaw, kadai mung nang hpe n yu kaji kau u ga, tsun ai ga hta mung, arawn alai hta mung, tsaw ra ai hta mung, makam masham hte myit san seng ai hta mung, kam sham ai ni a matu mara kasi kamang tai nga u.

Hkum hkrang hte seng nna sha shaman shakyang ai lam gaw akyu loi sha mi nga ai; rai ti mung wenyi makam masham lam hta shaman shakyang ai gaw lam shagu hta akyu nga nga ai; hpa majaw nga yang dai gaw ndai prat hte htawm hpang prat a matu ga ndat rawng nga ai.

Na a hkum hpe mung na a sharin shaga ai lam hpe mung sadi let sin yu nga u. Nang gaw ndai lam ni hpe agalaw nga u; hpa majaw nga yang, shing rai galaw n yang gaw, na hkum hpe mung, hkaw tsun ai ga na la ai ni hpe mung hkye hkrang la lu na ra ai.

Htawm hpang de masha nkau mi gaw makam masham hpe kabai kau na mara ai; shanhte gaw masu hkalem ai wenyi ni a ga madat nna nat ni a sharin shaga ai lam ni hta hkan sa na mara ai lam dai, Wenyi gaw asan sha tsun nga ai.

Rai ti mung, Karai Kasang hte n seng ai tsun na matu akyu n nga ai maumwi ga ni hpe koi kau nna, tinang a asak hkrung lam hpe tara hkungga ai lam hta shakung jahpan nga u.

Ngai sa du ai ten du hkra shawa masha ni a man de Chyum Laika hti dan ai lam, mungga htawn tsun ai lam hte sharin achyin ai lam hpe aten jaw nna atsam dat galaw shakut nga u.