Popular Bible Verses from 1 SAMUELA 4

Share

Dai wa Ga Shaka Sumpu a lam tsun dan jang, Eli gaw chyinghka lam makau shi dung nga ai shara kaw nna shingdu de nga kadawng mat wa wu ai. Shi gaw asak grai kaba sai hte hpum nga ai majaw shi a du daw mat nna si mat sai. Shi gaw mali shi ning tup Israela amyu hta ningbaw tai lai wa nu ai.

Shi gaw ma dai hpe Ihkabu ngu nna shamying da wu ai: dai gaw, “Karai Kasang a hpung shingkang Israela kaw na pru mat wa sai,” ngu ai hpe tsun shaleng ai rai nga ai. Ga Shaka Sumpu rim la kau hkrum ai mung, shi a kagu hte madu wa si mat wa ai hte mung lakap nga ai.

Shi gaw, “Karai Kasang a Ga Shaka Sumpu rim la kau hkrum sai majaw Karai Kasang a hpung shingkang Israela kaw na pru mat sai,” ngu nna tsun wu ai.