Dai hpang Shawlu gaw shi a du salang ni hpe, “Nat num langai mi hpe sa tam yu masu; shi kaw ngai sa san yu na we ai,” ngu nna tsun wu ai.
Shanhte mung, “Endora shara e langai mi gaw nga ai,” ngu nna htan ma ai.
Shawlu gaw shi a hkum hpe bu hpun palawng amyu myu hte bu hpun nna nsam galai kau nhtawm nsin sin ai hpang, dai numsha hpe sa hkrum na nga, shi a masha lahkawng hte pru sa mat wa ma ai. Shi gaw dai numsha hpe, “Nye a matu wenyi ni hpe san yu nna, hpa baw byin wa na lam, ngai hpe tsun dan e; ngai mying gang ai masha wa a wenyi hpe shaga shapraw ya e,” ngu nna tsun wu ai.