Popular Bible Verses from 1 SAMUELA 15

Share

Samuela gaw, “Dai MADU gaw hpa hpe mahtang ra sharawng a ni? Madat mara ai hpe kun? Shing n rai wan nat hkungga ni hte shagu hkungga ni hpe kun? Shi hpe kaja htum ai sagu nawng jau ya ai hta shi a ga madat mara na gaw grau nna mai kaja nga ai.

Shi hpe gumlau ai lam gaw hpyi shung shung ai zawn n kaja nga ai; myit tsaw myit dap rawng ai gaw hpara sumla hpe nawku ai htung lai zawn yubak lu nga ai. Dai MADU a hkang da ai ga hpe nang ningdang kau nit dai majaw shi mung nang hpe hkawhkam aya kaw nna jahkrat kau nu ai,” ngu nna htan wu ai.

Daru magam n-gun hpung shingkang hte hpring ai Israela a Karai Kasang gaw masu ai n rai; shi a myit chye galai nga ai n rai. Shi gaw shinggyim masha langai n rai, shi a myit galai shai chye ai n rai,” ngu nna tsun wu ai.

“Shawlu hpe hkawhkam shatai kau ni ai majaw ngai yawn la nngai; shi gaw ngai kaw na kayin mat wa ai hte nye a hkang da ai ga ni hpe mung n madat mat nu ai,” ngu nna tsun wu ai. Dai majaw, Samuela masin pawt nga ai; dai MADU hpe mung shana tup hpyi nem nga wu ai.