Shawlu gaw dai shiga na ai shaloi, Karai Kasang a wenyi shi hpe up hkang nga ai rai nna shi masin ja ja kahtet nga ai. Shi gaw dumsu utang lahkawng hpe sat kahtum nhtawm kasa ni hpe dai shan tawng jahpai nna Israela mung ting de ndai shadum jahprang dat ai ga hte hpawn shangun dat wu ai. Shawlu, Samuela ni hte rau majan pa de n hkan sa ai ni kadai mung ndai dumsu utang yan hpe di kau ai zawn hkrup sha na rai nga ai!”
Shaloi, Israela amyu masha ni gaw dai MADU kaning rai galaw wa na hpe hkrit ma ai rai nna, langai mi mung n hti ngam ai sha shanhte yawng rau sha pru sa wa ma ai.