Popular Bible Verses from 1 KORINHTU 15

Share

Dai re ai majaw, ngai tsaw ngai ra ai hpu nau ni e, ngang ngang kang kang dinggrin dingyang tsap nga mu. Madu a bungli gun hpai ai lam gaw galoi mung kaman lila n rai nga ai hpe nanhte dum chye nga let, dai Madu a bungli hta tut nawng e tsam mari shakut sharang gun hpai nga mu law.

Rai ti mung Madu Yesu a jaw e, anhte hpe awng padang jaw ai Karai Kasang a chyeju chyawm gaw kaba la nga a hka!

Nanhte lam hkum dam myit, “N kaja ai kanawn manang ni gaw kaja ai arawn alai hpe jahten ma ai.”

Rai ti mung, Karai Kasang a chyeju majaw, ngai gaw ngai wa rai nga nngai; ngai hpe Karai Kasang jaw ai chyeju mung kaman lila n rai nga ai sha, kaga kasa ni yawng hta, ngai grau nna bungli galaw gun hpai shaja nngai. Shing rai galaw lu ai gaw, nye a atsam majaw n rai, ngai hte rau amu galaw nga ai Karai Kasang a chyeju a majaw rai nga ai.

“Si hkrung si htan e, na a padang ninghkaw kanang nga nga a ta? Si hkrung si htan e, na a palen kanang nga nga a ta?,” Si hkrung si htan gaw shi a palen dai yubak mara kaw na lu la wu ai, yubak mara mahtang shi a atsam hpe dai jep ai tara kaw na lu la wu ai.

Madat mu, makoi magap da ai teng man ai lam langai mi ngai nanhte hpe tsun dan made ga: anhte yawng si mat wa na ga ai n rai. Rai ti mung, hpang jahtum na pahtau ngoi ai shaloi e, akajawng sha, myi grip mi laman hta e, anhte yawng hte gaw galai mat wa na ga ai; hpa majaw nga yang, dai pahtau dum dat ai shaloi si mat ai ni gaw n hten n mat ai sha bai hkrung rawt wa na mara ai hte, galoi mung bai si sana n rai. Anhte yawng galai mat wa na ga ai.

Hpa majaw nga yang, masha langai mi a jaw e si hkrung si htan byin wa ai zawn, masha langai mi a jaw e mung, si mat ai ni a matu bai hkrung rawt wa na lam tai wa sai. Masha yawng mayawng gaw Adam hte langai sha rai nga ma ai majaw si ma ai. Dai hte maren, Hkristu hte langai sha rai nga ma ai majaw, yawng mayawng gaw si ai kaw na Hkristu hta e bai hkrung rawt wa na mara ai.

Hpa majaw nga yang, dai hten mat chye ai gaw, n hten n mat chye ai de galai mat na ra ai: ndai si mat chye ai mung, n si n mat chye ai de galai mat lu na rai nga ai.

Hpa majaw nga yang Hkristu gaw Karai Kasang e gumlau ni yawng mayawng hpe dang kau nna Hkristu a lagaw lahpan npu e tawn da ya ai ten du hkra up hkang nga na rai nga ai. Hpang jahtum na hpyen wa ngu ai si hkrung si htan gaw yeng seng kau ai hkrum na ra ai.