Popular Bible Verses from Filipiye 2

Share

Lendaga kasa ma kayira levuzu le abuga sikali ma jya le lekuma leli kiila kali, nkalave, leka samisami ŋa kacimiŋa ni abuga avuli be ove. Lendaga kasaga ni amono be otu, ŋaa lesaga ni amono se abuga.

Be leka ŋa kabaraga ka ekiigi ma Kirisite Jezu.

Nde, nde Njyami wo obu-obu, ŋaa nde ki saga kakyele lemigi le kaka bila Njyami ma nde ŋi. Ŋaa aso ma kiigi ma nde, nde ndagi mon. Nde wooli biri ye oyiga. Nde kirigi mva abalaga, ŋa aso amono yemiŋi ndi kiigi balaga. Nde swoli ma kaka samisami ŋa nde onyimi tii leku, ee, leku kayila lemaanji.

Kabila Njyami asala ma be ŋa nde abuna vuta be ma kajya ŋa ma kasa esima ba jii nde.

Ŋa mabwa Njyami tesi nde kabiri ekara yulu, mpi nde nkuumu ye vuli ankuumu ma abuga aso. Njyami si bwa mabuni ma nkuumu Jezu, baari aso, nca yulu, kayila ncye ŋa ncina ncye, aka ma abwo, ŋa baari aso alyele ndi Jezu Kirisite Mfumu, ma lekuma le Njyami Taara.

Lesa aso eli be ki ŋiina ŋi eli lebila kali, mabwa be leka baari baali akini sa jaa ŋi, ba ka kata be ŋi. Be kamaka baana a Njyami eli maami maabi kali, kanca baari ba ompyele ŋa baabi. Kanca baari ba, ave be leta mva kawi nca okiri

Mva bwa, abuga ami ajya, be lema alwono eyizigi e mi obu-obu, ntini ye kiigi mi bila be. Ŋaa yemiŋi yiga leselege sa keeli mi ŋa kali. Lesa mpari ma kasala ma kavyere ni be lemi vuuga, lesa lo ma katerege kuna ka ovuzu o Njyami.