Popular Bible Verses from ABhaluumi 9

Share

Ɨshi, ʉNgʉlʉbhɨ ya yʉʉyo ahwamula hunʼnolele ɨnkʉmbʉ ʉmuntu, saga afumilane nʉ dandamazu awe hwa hwigane ʉmuntu yʉʉyo.

Enya ʉNgʉlʉbhɨ ahamʼmʉzɨɨzye ʉMoose ahajile, “Anɨ ɨnza hunʼnolele ɨnkʉmbʉ ʉmuntu wowonti ʉyo ɨhwanza hunʼnolele ɨnkʉmbʉ, nantele ɨnza hunʼsaajile ʉmuntu wowonti ʉyo ɨhwanza hunʼsaajile.”

Ndaali! Aawe wʉmuntu, we naanu wʉ‑ʉdaliihana nʉ Ngʉlʉbhɨ? Wɨlɨ, ahantu ha hapeliilwe habhajiiye wɨlɨ alwe nʉ‑ʉyo ahapelile na‑abhʉzɨɨlɨzye huje, “Yeenu ʉmpelile anɨ ɨshi?”

Ɨshi, ʉNgʉlʉbhɨ ahunʼnolela ɨnkʉmbʉ ʉmuntu wowonti nanshi ɨsho asʉngwa, na humʼmɨɨshe ʉmuntu abhe nʉ mwoyo ʉnʼkhome nanshi ɨsho asʉngwa.

Ʉmʼmʉmba nsonta ali ni‑ikhone ɨlya‑abhombele ʉlongo sha‑agɨɨne. Abhajiiye abhʉmbe ɨnsonta zibhɨɨlɨ afume mu longo gwʉgwo gweka, ɨnsonta yeeka ɨbhe yɨ mbombo ɨyɨ mwamu, nɨ yamwabho ɨbhe yɨ mbombo ɨya pa nsi.