Popular Bible Verses from Maalʉko 13

Share

Abhantu bhonti bhahayihubhaviitilwa amwɨ, pɨpo muhumbɨnjɨɨlɨzya anɨ. Leelo, ʉla wa‑ahayijimbiilila afishe hu malishilo, ʉyo ahayifyʉlwa.”

Mubhe maaso! Hwilɨnganyaaji, pɨpo saga mumɨɨnye huje, ahabhaazyo ɨho hahayifiha ndi.

Abhantu ɨbho lwa bhahubhadendemula na hubhatwale mu makoloti na hubhalonje zimo, mugandi asɨɨbhe zya mubhala‑ayanje. Mwahayangaje ziila ʉNgʉlʉbhɨ zya‑ahayihubhapeela hu habhaazyo hɨnɨɨho. Saga mwɨmwɨ lwene mwahayiyanga, lyoli ʉMʼpepo ʉMʼfinjile wa‑ali muuhati yeenyu ya‑ahayihubhaavwa ayanje.

Ɨnsi nɨ vintu vyonti ɨvya hu mwanya vyahayishila, leelo amazwi gaanɨ saga gahayishila nka lumo.”

“Leelo, hu nongwa yi‑isiku awe ahabhaazyo aha‑aweele hwanɨ, nʉʉmo ʉmuntu wa‑amɨɨnye huje, zyahayibha ndi. Bhope abhantumi abha hu mwanya awe anɨ nɨMwana, tenti saga tizimɨɨnye lwonti. Lyoli ʉDaada ʉNgʉlʉbhɨ ali mwene wa‑amɨɨnye zyonti ɨzyo.

Namwɨ lwa mwazyʉmvwa ɨnongwa nɨ nkwekwesi ɨzyɨ lʉgʉ, mugandi ahwogope. Lyoli ɨzyo zihwanziwa afumile, leelo ʉmalishilo wahayibha wusɨɨle.

ɄYeesu lwa waamala hubhabhʉʉzye ɨsho, ahonjela ahaga, “Mubhanje maaso, pɨpo saga mumɨɨnye huje, anɨ nɨmwanɨɨsho nyumba nahayiweela ndi. Saga mumɨɨnye huje, lumo nahayiweela lyabheela, awe nʉsiku paahati, awe lwa huhwanda ashe ɨhanda lwa zigʉgʉlɨɨga, awe shandaabhɨ. Mubhe maaso huje, hwope nkashele ɨngundusye ahwɨnze, ɨnsahabhaaje mugonile ʉtulo. Ɨli lyɨ‑ɨhubhabhʉʉzya amwɨ, ɨhubhabhʉʉzya abhantu bhonti huje, bhabhanje maaso.”

Ɨnsi ɨmo yahayilwa nɨ nsi ɨyamwabho, ʉwumwɨnɨ wumo wahayilwa nʉ wumwɨnɨ ʉwamwabho. Hwahayibha na mantensya agɨ nsi ɨpa na paala, ɨnzala yope yahayigwa. Ɨgo gahayibha wandilo lwene wɨ malabha, nanshi sha‑abhawa ʉnʼshɨ wa‑ahwanda apaape.

ƗNongwa ɨNyinza ɨzya huliinɨ zihwanziwa alʉmbɨɨlɨlwe nasʉʉti hwa bhantu abhɨ nsi zyonti.

Abhantu abhinji bhahayibha bhahulibhombela itaawa lyanɨ hwi‑ilenga na‑ayanje huje, ‘Anɨ nɨ Mʼfyʉli,’ bhahayihubhagobela abhantu abhinji.

Leelo amwɨ, mubhe maaso haani. Abhantu bhahayihubhatwala mu makoloti aga bhalongozi na hubhakhome shibhiibhi mu nyumba ɨzya‑apuutile na‑amanyiilile. Bhahayihubhatwala pitagaalila lya bhalongozi bhɨ nsi na pitagaalila lya bhamwɨnɨ hu nongwa yaanɨ huje, mulongwe, pɨpo munambɨlɨɨye anɨ. Ɨho hahayibha habhaazyo aha‑asimishizye ɨNongwa ɨNyinza hwa bheene.

Bhahayifumila abhantu bha bhahayihwikwizya hwi‑ilenga huje, ‘Anɨ nɨ Mʼfyʉli!’ Peeka na bhakuwi abhi‑ilenga, bhope bhahayibhonesya ɨvimanyishizyo na mayele huje, bhalɨnje hubhateezye na bhaala bha bhasaluliilwe nʉ Ngʉlʉbhɨ.

Leelo, mu nsiku ziila, amalabha gaala lwa gaashila, ɨvintu vyonti ɨvya hu mwanya vyahayiyinga. Isanya lyahayikhoma ɨhiisi, ʉmwezi gwope saga gwahayilama lwonti. Ɨnzota zyope zyahayilagala pa nsi afume hu mwanya.