Popular Bible Verses from Romanus 5

Share

ma Deus danu proba di si amor pa nos, manera ku Kristu muri pa nos ocanu inda na no pekadu.

speransa ka ta tisi disanimu, pabia Spiritu Santu ku no dadu i darma amor di Deus dentru di no korson.

I ka son kila, ma tambi no kontenti na kansera. No sibi kuma kansera ta da firmesa; firmesa ta juda pasa proba; pasa proba ta da speransa

Manera ku no ojadu justu pa fe, no ten pas ku Deus pabia di no Siñor Jesus Kristu ku yentrandanu, pabia di no fe, ne fabur ku no firma nel. No kontenti na speransa ku no ten di gloria di Deus.

Oca inda no sedu fraku, Kristu muri pa jinti mau na tempu propi.

Suma no ojadu justu pa si sangi, kuma gora ki ka na salbanu di raiba di Deus?

Suma ku disobdiensia di un omi leba manga di jinti pa e torna kulpadu, asin tambi obdiensia di un omi ta leba manga delis pa e torna justu.

I ka son es, ma no kontenti ku Deus pabia di no Siñor Jesus Kristu ku fasinu amigus di Deus.