Popular Bible Verses from Isaias 65

Share

Antis de coma, N na kudi; nkuantu e na papia inda, N na obi.

“Jubi, N na kumpu nobu seu ku nobu tera; kusas ku pasa ka na lembradu, nin e ka na bin na kabesa di algin.

E ka na tarbaja amonton, nin e ka na padi fijus pa sufrimentu, pabia e na sedu un pobu ku SIÑOR bensua, elis ku se jorson di futuru.

E ka na kumpu kasas pa utrus mora la, nin e ka na paranta pa utrus kume, pabia dias di ña pobu na sedu suma dias di arvuri; kilis ku N kuji, e na goza rusultadu di tarbaju di se mon te na se bejisa.

“I ka na ten nel mininu ku na muri ku puku dias, nin beju ku ka ciga na si tempu, pabia kil ku muri ku sen anu, el i nobu inda. Algin ku ka yangasa sen anu, jinti na fala i maldisuadu.

Lubu ku fiju di karnel na kume paja juntu; lion na kume paja suma baka, ma puera na sedu kumida di serpenti. E ka na fasi mal nin e ka na dana nada na tudu ña monti sagradu.” Asin ku SIÑOR fala.

N na sta alegri pabia di Jerusalen, N na sinti kontentamentu ku ña pobu. Nunka mas i ka na obidu nel vos di cur nin di tristesa.