Popular Bible Verses from Isaias 26

Share

Kil ku pui sintidu firmi na bo, ku fiansa na bo, abo, SIÑOR, bu ta guardal ketu, ku susegu.

Bo fiansa na SIÑOR pa sempri, pabia SIÑOR Deus i sedu roca ku ka ten kumsada nin kabantada.

Di noti N ta dijau di korson; parmaña sedu N ta buskau di spiritu. Ora ku bu julga mundu, jinti ku mora nel na nsina yanda diritu.

SIÑOR, bu danu pas. Tudu ku no fasi, abo ku fasil pa nos.

Anos tambi, SIÑOR, no na spera na bo; no sta na kamiñu ku bu leis mostranu. Kusa ku no korson misti i pa lembra di bu nomi.

Kamiñu di justu i filadu. Abo ku sedu justu, bu ta filanta kamiñu di justu.

I ta bati kilis ku sinta na kau la riba i ta baŝa prasa altu, i durbal te na con.

Bo yabri porton pa nason justu pudi yentra, nason ku sedu fiel.