Popular Bible Verses from Isaias 11

Share

Spiritu di SIÑOR na sinta riba del, Spiritu di jiresa ku ntindimentu, Spiritu di konsiju ku puder, Spiritu di kuñisimentu ku rispitu pa SIÑOR. I na sta kontenti na rispitu pa SIÑOR. I ka na julga konformi kil ki oja ku si uju, nin i ka na disidi konformi kil ki obi ku oreja

Algin na padidu na jorson di Jesé suma ramu nobu ku sai na pe ku kortadu; na si rais i na sai nobu ramu ku na padi frutu.

ma i na julga koitadis ku justisa; i na difindi diritu di jinti mansu na tera. Konformi si ordi, jinti na kastigadu, omis mau na matadu.

I na guberna si pobu ku justisa ku bardadi.

Na tudu Sion, ña monti sagradu, i ka na fasidu mal, nin danu ka na ojadu, pabia tera na inci kuñisimentu di SIÑOR suma ku yagu ta inci mar.

Lubu na mora juntu ku fiju di karnel, leopardu na dita juntu ku kabritu, fijus di baka ku di lion e na yanda, e kume juntu; mininu pikininu na bakia elis.

Dia na ciga ku rei ku na sai na jorson di Jesé na firma suma bandera pa nasons; e na kuri juntu pa el; lugar di si morada na sedu gloriosu.