Popular Bible Verses from યાકુબ 4

Share

યે સાટી દેવને આધીન હુયી જા; અન સૈતાનના સામના કરા તાહા તો તુમને પાસુન પોળી જાયીલ.

દેવપાસી આગડ યીજાસ, તાહા તો તુમા પાસી આગડ યીલ: હે પાપી માનસા, તુમને જીવન માસુન પાપલા દુર કરા; અન હે દોન મનવાળા લોકા તુમને મનલા પવિત્ર કરા.

પ્રભુને પુડ નમ્ર બના, ત તો તુમાલા ઉંચા કરીલ.

પન તી કૃપા જો દેવ દેહે પકી શક્તિવાળી આહા; યે કારને પવિત્ર સાસતરમા લીખેલ આહા, “દેવ અભિમાન કરનારસા ઈરુદ કરહ, પન નમ્ર આહાત તેહાવર દયા કરહ.”

તે સાટી જો કોની ભલાયી કરુલા જાનહ પન કર નીહી ત તેને સાટી યો પાપ લાગહ.

તુમી માંગતાહાસ તરીપન તુમાલા મીળ નીહી કાહાકા તુમી ખોટે મરજીકન માંગતાહાસ, કા જેથી તુમને મોજસોકમા ઉડવી દે.

હે વીસવાસ તોડનારા લોકા, કાય તુમાલા માહીત નીહી કા યે દુનેને વસ્તુસે હારી દોસ્તી રાખુલા મજે દેવલા દુશ્મની કરુલા આહા? યે સાટી જો કોની દુનેના દોસતાર હુયુલા માગહ, તો પદરલા દેવલા દુશ્મન બનવહ.

પન તુમાલા યી માહીત નીહી આહા કા સકાળ કાય હુયીલ, તુમના જીવન ત બાફને સારકા આહા, જી જરાકવાર દેખાયજહ માગુન અલોપ હુયી જાહા.