Popular Bible Verses from Romanos 8

Share

Jee jíníꞌ‑ó ya̱ ntáká tiñu ya̱ kúvi jín rá ñɨvɨ ya̱ ñúnúunꞌ ráa Ndiosíꞌ jee jiátíñú Ndiosíꞌ rá tiñu vá sáva saꞌá re̱ꞌ ya̱ kúvi ya̱ váꞌa nu̱u̱nꞌ ráa ya̱ nkana re̱ꞌ ráa ya̱ kɨꞌɨ ráa nu̱u̱nꞌ re̱ꞌ sáni nkuna̱a̱ꞌ iniꞌ re̱ꞌ.

chi jíníꞌ ni̱ꞌ ya̱ naáꞌ ya̱ ntu̱náꞌ íyó ya̱ sáꞌá sɨ́ɨ́n‑ɨ yó nu̱u̱nꞌ ya̱ ñúnúunꞌ Ndiosíꞌ yó: ni ya̱ jíꞌíꞌ‑ó, ni ya̱ tékúꞌ‑ó, ni rá najiáꞌáꞌ ííꞌ Ndiosíꞌ, ni rá néetiñu, va̱ni te̱e, va̱ni najiáꞌáꞌ ííꞌ, ni rá ta̱chi̱ꞌ kíni ñáꞌnú ya̱ níso fuersáꞌ, ni rá ya̱ íyó tiempúꞌ vitan, ni rá ya̱ koo tiempúꞌ kiji, ni ya̱ íyó súkún, ni ya̱ íyó nu̱u̱nꞌ kúnú, ni ɨɨn inka ka̱ꞌ ya̱ nsa̱ꞌá Ndiosíꞌ maa, ni nkúvi saꞌá sɨ́ɨ́n‑ɨ yó nu̱u̱nꞌ ya̱ ñúnúunꞌ Ndiosíꞌ yó, jie̱ꞌe̱ꞌ yɨ́ꞌɨ́‑ó nu̱u̱nꞌ I̱toꞌoꞌ‑ó Cristo Jesús.

Jee suni sukuán chíneí chítuvi Ta̱chi̱ꞌ Ííꞌ yó chi táyáꞌ iniꞌ‑ó. Chi sáá ntu jíníꞌ‑ó na̱sa kaꞌanꞌ‑ó jín Ndiosíꞌ, soo máá maá Ta̱chi̱ꞌ Ííꞌ vá tána re̱ꞌ jíkánꞌ táꞌvíꞌ re̱ꞌ nu̱u̱nꞌ Ndiosíꞌ jie̱ꞌe̱ꞌ‑ó ya̱ ntu níꞌínꞌ‑ó sákachiꞌ‑ó.

¿Ná kúvi ya̱ kachiꞌ‑ó jie̱ꞌe̱ꞌ rá tu̱ꞌun yaꞌá, résa? Chi nu̱u̱nꞌ íñɨ́ Ndiosíꞌ jín‑ó, ¿né ɨɨn ya̱ kenta si̱kɨ̱ꞌ‑ó nu̱u̱nꞌ Ndiosíꞌ résa? ¡Ntu̱né kúneí ráa nɨ́ɨ́nkání!

Saájee vitan jee ni ntu̱náꞌ íyó ya̱ sijíta Ndiosíꞌ xinóꞌo re̱ꞌ rá ñɨvɨ ya̱ yɨ́ꞌɨ́ ráa nu̱u̱nꞌ Cristo Jesús, [ya̱ ntu jiáꞌnu ráa ka̱ꞌ sáni níyo néꞌén iniꞌ ráa jín yɨkɨkúñu ráa, chisaꞌ jiáꞌnu ráa sáni kuíni Ta̱chi̱ꞌ Ííꞌ Ndiosíꞌ].

Chi rá ñɨvɨ túví ráa antúníꞌ ráa nu̱u̱nꞌ ya̱ níyo iniꞌ ráa jín yɨkɨkúñu ráa, ya̱ ntu yɨ́tíñú ráa nu̱u̱nꞌ Ndiosíꞌ, jee sáꞌá‑a ya̱ naanꞌ ráa kuéntáꞌ jíꞌíꞌ ráa nu̱u̱nꞌ Ndiosíꞌ. Soo rá ñɨvɨ túví ráa antúníꞌ ráa nu̱u̱nꞌ ya̱ kuíni Ta̱chi̱ꞌ Ííꞌ Ndiosíꞌ jee sáꞌá‑a ya̱ kutekuꞌ ráa jín Ndiosíꞌ jee va̱ꞌa kúvi iniꞌ ráa.

Soo súka̱ꞌ nóꞌo‑ó tu̱nóꞌó sukuán, jee Cristo ya̱ ñúnúunꞌ re̱ꞌ yó, maáréꞌ sáꞌá re̱ꞌ ya̱ ntántúníꞌ kuneí‑ó núneí ka̱ꞌ iniꞌ‑ó

Chi kúnáaꞌ iniꞌ ni̱ꞌ ya̱ naáꞌ ya̱ ntu yɨ́yáꞌvi rá tu̱nóꞌó nóꞌo‑ó tiempúꞌ vitan nu̱u̱nꞌ ya̱ viiꞌ nasɨ́kuitɨꞌ kuñáꞌnú‑ó saꞌá Ndiosíꞌ ya̱ stúvi re̱ꞌ tiempúꞌ kiji ichinúúnꞌ.

¿Né ɨɨn vá kuneí‑i saꞌá sɨ́ɨ́n‑ɨ yó nu̱u̱nꞌ ya̱ ñúnúunꞌ Cristo yó, résa? ¿Á tu̱nóꞌó, áxí tu̱nkuíꞌyáꞌ iniꞌ, áxí ya̱ jíto u̱ꞌvi̱ꞌ ñɨvɨ yó, áxí ta̱ma̱ꞌ, áxí ya̱ kúmániꞌ saꞌma kuꞌun‑ó, áxí sáá táꞌánꞌ‑ó tu̱nóꞌó íyó i̱yo, áxí kaꞌniꞌ ñɨvɨ yó jín yuchiꞌ espada, résa? ¡Ntu̱ví kuitɨꞌ!

Jee maá Ndiosíꞌ jíníꞌ re̱ꞌ ya̱ kúvi iniꞌ ánímaꞌ ñɨvɨ, jee ya̱ jíníꞌ re̱ꞌ ya̱ ná kúvi ya̱ kúníꞌ Ta̱chi̱ꞌ Ííꞌ re̱ꞌ, chi sánikua̱ꞌ kuíni maá Ndiosíꞌ jee Ta̱chi̱ꞌ Ííꞌ vá jíkánꞌ táꞌvíꞌ re̱ꞌ jie̱ꞌe̱ꞌ‑ó ya̱ nsa̱ꞌá sɨ́ɨ́n Ndiosíꞌ yó sáva kɨꞌɨ‑ó nu̱u̱nꞌ re̱ꞌ.

Chi ntáká rá ñɨvɨ ya̱ jiáꞌnu ráa sáni chúꞌun Ta̱chi̱ꞌ Ííꞌ Ndiosíꞌ ichi ráa, jee suviráa vá kúvi se̱ꞌya Ndiosíꞌ.

Chi rá ñɨvɨ jiáꞌnu ráa sáni kuíni ráa jín ñunéꞌyúꞌ ráa jee túví ráa antúníꞌ ráa nu̱u̱nꞌ ya̱ níyo iniꞌ ráa jín yɨkɨkúñu ráa, ya̱ ntu yɨ́tíñú ráa nu̱u̱nꞌ Ndiosíꞌ. Soo rá ñɨvɨ jiáꞌnu ráa sáni kuíni Ta̱chi̱ꞌ Ííꞌ Ndiosíꞌ, jee túví ráa antúníꞌ ráa nu̱u̱nꞌ rá tiñu sáni kuíni Ta̱chi̱ꞌ Ííꞌ Ndiosíꞌ.

Chi Ndiosíꞌ ntu nkúsáꞌán re̱ꞌ Se̱ꞌya re̱ꞌ, chisaꞌ nna̱ku̱ꞌva re̱ꞌ Se̱ꞌya re̱ꞌ sáva kuviꞌ‑i jie̱ꞌe̱ꞌ ntáká‑ó ya̱ kúvi ya̱ váꞌa nu̱u̱nꞌ‑ó. Jee nu̱u̱nꞌ ntaji re̱ꞌ Se̱ꞌya re̱ꞌ sukuán jee suni íyó nijia ya̱ sikútaꞌviꞌ re̱ꞌ nu̱u̱nꞌ‑ó ntáká ka̱ꞌ ya̱ kiji jie̱ꞌe̱ꞌ ya̱ njia̱ꞌa re̱ꞌ Se̱ꞌya re̱ꞌ.

Jee máá maá Ta̱chi̱ꞌ Ííꞌ Ndiosíꞌ jiáꞌa ya̱ naáꞌ nu̱u̱nꞌ ánímaꞌ‑ó, ya̱ kúvi‑ó se̱ꞌya Ndiosíꞌ. Jee ya̱ ya kúvi‑ó se̱ꞌya Ndiosíꞌ, jee suni ni̱ꞌi̱nꞌ‑ó ɨɨn ta̱ꞌvi̱ꞌ. Chi kutaꞌviꞌ‑ó ta̱ꞌvi̱ꞌ taji Ndiosíꞌ nu̱u̱nꞌ‑ó. Jee kutaꞌviꞌ nkáá‑ó ta̱ꞌvi̱ꞌ vá jín Cristo. Retú kuiñɨ ni̱ꞌin‑ó jín Cristo jee íyó ñɨvɨ koto u̱ꞌvi̱ꞌ ráa yó kuéntáꞌ nito u̱ꞌvi̱ꞌ ráa re̱ꞌ. Jee nu̱u̱nꞌ nóꞌo‑órán sukuán jín Cristo, jee suni saꞌá Ndiosíꞌ ya̱ viiꞌ kuñáꞌnú nkáá‑ó jín Cristo.

Chi rá ñɨvɨ túví ráa antúníꞌ ráa sáni kuíni ráa, ya̱ ntu yɨ́tíñú ráa nu̱u̱nꞌ Ndiosíꞌ, jee jíníꞌ u̱ꞌvi̱ꞌ ráa Ndiosíꞌ. Jee ntu chíꞌi ráa maáráa xi̱ntíín tu̱ꞌun tátúníꞌ Ndiosíꞌ, jee ni ntu kúvi chiꞌi ráa maáráa xi̱ntíín tu̱ꞌun tátúníꞌ re̱ꞌ.

Chi ntáká ya̱ nsa̱ꞌá Ndiosíꞌ nétu numíjiꞌíꞌ ráa ya̱ nasaꞌá Ndiosíꞌ yó ya̱ kájíkuitɨꞌ tu̱vi‑ó sukuán ya̱ kúvi nijia‑ó se̱ꞌya re̱ꞌ.

Chi jíníꞌ‑ó ya̱ ne̱ tiempúꞌ vitan nkáá jiáku iniꞌ ntáká ya̱ íyó ñɨ̱vɨ́ yaꞌá jee nkáá nóꞌo‑o, kuéntáꞌ nóꞌo ɨɨn ñaꞌan ya̱ téꞌnéꞌ iniꞌ ña ya̱ kaku se̱ꞌya ña.