Popular Bible Verses from Apoclipsis 14

Share

Jee nteso̱ꞌo ni̱ꞌ ɨɨn ta̱chi̱yuꞌú ne̱ súkún, jee káchíꞌ‑i: ―Tee tu̱ꞌun ya̱ kachiꞌ ni̱ꞌ nu̱u̱nꞌ nú: “Na̱ ka̱ꞌ netuꞌ ka̱ꞌ kuvi rá ñɨvɨ níꞌiꞌ ya̱ yɨ́ꞌɨ́ ráa nu̱u̱nꞌ I̱toꞌoꞌ‑ó, ya̱ jíꞌíꞌ ráa ne̱ vitan jín ntáká tiempúꞌ ichinúúnꞌ.” ―Va̱tu̱ꞌ nijia ―káchíꞌ Ta̱chi̱ꞌ Ííꞌ Ndiosíꞌ― chi najia̱ví ráa ya̱ níkó néí ráa nsa̱tíñú ráa nu̱u̱nꞌ re̱ꞌ. Jee rá tiñu váꞌa ya̱ nsa̱ꞌá ráa, chi íyó ráa jín‑i jee sáꞌá‑a ya̱ kuvi ya̱ váꞌa ráa nɨ́ɨ́nkání ―káchíꞌ‑i.

Jee saáva rá ñɨvɨ ya̱ nsa̱ꞌá sɨ́ɨ́n Ndiosíꞌ sáva kɨꞌɨ ráa nu̱u̱nꞌ re̱ꞌ, íyó káꞌnú koo iniꞌ ráa jee kuni̱ꞌin ráa nu̱u̱nꞌ re̱ꞌ, ya̱ maáráa ví ya̱ sikúnkuvi ráa tu̱ꞌun nta̱túníꞌ re̱ꞌ, jee íñɨ́ níꞌin ráa kúneí iniꞌ ráa Jesús ―káchíꞌ najiáꞌáꞌ ííꞌ uníꞌ vá.

Jee ne̱ kánajíín ni̱ꞌin‑i tátúníꞌ‑i káchíꞌ‑i: ―Kuꞌun yúꞌví iniꞌ rán Ndiosíꞌ, jee nakuetúꞌún ya̱ kúñáꞌnú re̱ꞌ, chi ya̱ nkenta hora saꞌá náaꞌ re̱ꞌ jie̱ꞌe̱ꞌ kua̱chi nsa̱ꞌá rá ñɨvɨ. Jee kuneñu̱ꞌun rán re̱ꞌ ya̱ maáréꞌ ví ya̱ nsa̱ꞌá re̱ꞌ súkún, jín nu̱u̱nꞌ ñuꞌun, jín nteñúꞌún, jín ntáká nu̱u̱nꞌ kene nute ―káchíꞌ najiáꞌáꞌ ííꞌ vá.

Saájee tuku inka ka̱ꞌ najiáꞌáꞌ ííꞌ ya̱ uníꞌ, jee nusuyuꞌú‑u laxín káchíꞌ‑i: ―Retú néni ɨɨn ya̱ néñu̱ꞌun‑u kitɨ xéénꞌ kákini vá, jín santúꞌ ñunéꞌyúꞌ máá maátíꞌ, jín retú ni̱ꞌi̱nꞌ‑i kuniso‑o seña ti̱ꞌ te̱e̱nꞌ‑e, áxí naꞌá‑a, saájee ne̱ jíꞌín‑i kunoꞌo‑o tu̱nóꞌó xéénꞌ ya̱ kiji saꞌá Ndiosíꞌ chi kítɨ́ꞌ víꞌí iniꞌ re̱ꞌ, chi nsa̱ꞌá túꞌva re̱ꞌ ninuꞌun tu̱nóꞌó xinóꞌo re̱ꞌ ráa, ya̱ kúvi kuéntáꞌ copa nixiꞌ xe̱e̱nꞌ ku̱ꞌva re̱ꞌ nu̱u̱nꞌ ráa koꞌo ráa. Chi ka̱yu̱ꞌ ráa nu̱u̱nꞌ ñúꞌúnꞌ jín sufríꞌ, ichinúúnꞌ rá najiáꞌáꞌ ííꞌ Ndiosíꞌ jín maáréꞌ ya̱ kúvi re̱ꞌ Lanchi Lúlí vá. Jee ñu̱ꞌma̱ꞌ ya̱ káyúꞌ ráa yukuán kɨ̱nkaa‑a nɨ́ɨ́nkání kuitɨꞌ. Jee ni nsáꞌ koo tu̱najia̱ví ráa nuví niñuꞌ nu̱u̱nꞌ tu̱nóꞌó kunoꞌo ráa, jie̱ꞌe̱ꞌ ya̱ néñu̱ꞌun ráa kitɨ xéénꞌ kákini vá, jín santúꞌ ñunéꞌyúꞌ máá maátíꞌ, jín retú néni ɨɨn ni̱ꞌi̱nꞌ‑i kuniso‑o seña súví ti̱ꞌ.

Saájee nuꞌuꞌ, Juan, nna̱kune̱ꞌyá ni̱ꞌ jee niniꞌ ni̱ꞌ maáréꞌ ya̱ kúvi re̱ꞌ Lanchi Ndiosíꞌ íñɨ́ re̱ꞌ xi̱ni̱ꞌ yuku naní Sión. Jee yukuán íñɨ́ re̱ꞌ jín sientúꞌ u̱vi̱xiko ku̱mi̱ꞌ mil (144,000) ñɨvɨ, jee níso súví re̱ꞌ jín súví Tátáꞌ re̱ꞌ te̱e̱nꞌ ráa.

Saájee niniꞌ ni̱ꞌ inka ka̱ꞌ najiáꞌáꞌ ííꞌ Ndiosíꞌ náva‑a kua̱ꞌa̱nꞌ‑a jíkó‑o sava súkún. Jee va̱ji‑i jín tu̱ꞌun váꞌa Ndiosíꞌ stekútu̱ꞌún‑u vá nu̱u̱nꞌ rá ñɨvɨ nééꞌ ñɨ̱vɨ́, nu̱u̱nꞌ ntáká nu̱u̱nꞌ rá ñɨvɨ, jín nu̱u̱nꞌ ñɨvɨ ntáká tataꞌ, jín nu̱u̱nꞌ ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, jín nu̱u̱nꞌ ntáká ñuunꞌ.

Saájee inka ka̱ꞌ najiáꞌáꞌ ííꞌ ya̱ uvíꞌ, níkɨ́nꞌ maa, káchíꞌ‑i: ―¡Ya nnaanꞌ! ¡Ya nnaanꞌ!, ñuunꞌ káꞌnú ya̱ kúvi Babilonia ñáꞌnú, chi nxi̱tá ráa rá ñɨvɨ ntáká nación xinóo rává Ndiosíꞌ jee kuneñu̱ꞌun rává inka ka̱ꞌ, kuéntáꞌ jísóꞌ ni̱ñɨ̱ꞌ ráa nsa̱ꞌá téní ráa nsi̱jíta ráa xi̱ni̱ꞌ rá ñɨvɨ ntáká nación, kuéntáꞌ njia̱ꞌa ráa nixiꞌ vinúꞌ niꞌi rává ne̱ ni̱ni rává ―nkachiꞌ‑i.