Popular Bible Verses from Apoclipsis 11

Share

Saájee najiáꞌáꞌ ííꞌ uxáꞌ nti̱vɨ̱ꞌ‑ɨ trompeta‑a, jee nkaꞌanꞌ ni̱ꞌin rá nusuyuꞌú ne̱ antivɨ́ súkún, jee káchíꞌ ráa: ―Ntáká nación íyó ñɨ̱vɨ́ ya̱ tátúníꞌ rá ñɨvɨ ya nna̱kɨ̱ꞌɨ ráa naꞌá máá I̱toꞌoꞌ‑ó Ndiosíꞌ jín Cristo re̱ꞌ, jee maáréꞌ ví ya̱ tátúníꞌ re̱ꞌ nu̱u̱nꞌ ráa nɨ́ɨ́nkání ―káchíꞌ ráa.

Jee rá ñɨvɨ ntáká nación nki̱tɨ̱ꞌ víꞌí iniꞌ ráa jín nú, soo nkenta ki̱tɨ̱ꞌ iniꞌ nú xinóꞌo nú ráa. Jee ya nkenta tiempúꞌ ya̱ saꞌá na̱a̱ꞌ nú jie̱ꞌe̱ꞌ kua̱chi ntáká rá ñɨvɨ ya̱ níꞌiꞌ, jín ya ku̱ꞌva nú ta̱ꞌvi̱ꞌ kutaꞌviꞌ rá musúꞌ nú, rá ñɨvɨ ya̱ nkachitu̱ꞌún ráa tu̱ꞌun nkene yuꞌú nú, jín ntáká ñɨvɨ yɨ́tíñú ráa nu̱u̱nꞌ nú, ya̱ kúvi rá ñɨvɨ ya̱ ñúyúꞌví iniꞌ ráa noꞌó, va̱ni kuvi ráa ñɨvɨ kúñáꞌnú va̱ni ntu̱ví, jee xináánꞌ nú rá ñɨvɨ ya̱ xínáánꞌ ráa rá ñɨvɨ ñɨ̱vɨ́, nkachiꞌ rá te̱e ñáꞌnú vá.

Jee ku̱ꞌva ni̱ꞌ tiñu kuniso ni uvíꞌ te̱e ni̱ꞌ sáva naku̱ꞌva ráa ya̱ naáꞌ jie̱ꞌe̱ꞌ tu̱ꞌun ni̱ꞌ. Jee ɨɨn mil u̱vi̱ꞌ sientúꞌ u̱ni̱xiko (1,260) ki̱vɨ̱ꞌ kachitu̱ꞌún ráa tu̱ꞌun kene yuꞌú ni̱ꞌ. Jee kuꞌun ráa saꞌma nayɨ́ ya̱ stúvi‑i ya̱ kukúeká iniꞌ ráa jie̱ꞌe̱ꞌ kua̱chi sáꞌá rá ñɨvɨ ―nkachiꞌ Ndiosíꞌ.

Saájee sáá njia̱ꞌa u̱ni̱ꞌ ki̱vɨ̱ꞌ sava, yukuán jee saꞌá Ndiosíꞌ ya̱ nastatáchiꞌ ráa, jee natekuꞌ tuku ráa, jee nakui̱ñɨ̱ꞌ nichiꞌ ráa. Jee kuyu̱ꞌví víꞌí rá ñɨvɨ ya̱ kuniꞌ ráa ya̱ nna̱tekuꞌ rá te̱e vá.

Jee níso ni núvíꞌ ráa fesáꞌ ííꞌ ya̱ kuvi kasɨꞌ ráa súkún ya̱ ni nsáꞌ ku̱u̱n ka̱ꞌ sa̱vi̱ꞌ ntáká rá ki̱vɨ̱ꞌ ya̱ kachitu̱ꞌún ráa tu̱ꞌun kene yuꞌú máá maá Ndiosíꞌ. Jee suni níso ráa fesáꞌ ííꞌ ya̱ kuvi saꞌá ráa ya̱ nuvi ntáká rá nute ni̱ñɨ̱ꞌ. Jín suni kuvi saꞌá ráa ya̱ kunoꞌo ñɨvɨ iniꞌ ñɨ̱vɨ́ nta̱ká nu̱u̱nꞌ rá tu̱nóꞌó, ntáká íchí na̱ja kua̱ꞌ kuíni iniꞌ maáráa.

Jee ni núvíꞌ rá te̱e vá kúvi ráa ni núvíꞌ rá yutun olivo jín ni núvíꞌ rá kantilerúꞌ ya̱ íñɨ́ ichinúúnꞌ Ndiosíꞌ, ya̱ maáréꞌ ví I̱toꞌoꞌ nu̱u̱nꞌ nɨꞌɨ ñɨ̱vɨ́. Jee retú ne̱ ni ɨɨn ñɨvɨ kuini‑i xtufíꞌ‑i ráa, jee kene ñuꞌunꞌ yuꞌú ráa, jee íchí ka̱yu̱ꞌ rá ñɨvɨ vá ya̱ túfíꞌ ta̱ꞌán jín ráa. Jee retú néni ɨɨn ñɨvɨ ya̱ kuniꞌ‑i xtufíꞌ‑i ráa jee íyó kuviꞌ‑i sukuán.