Popular Bible Verses from Apoclipsis 1

Share

Jee káchíꞌ I̱toꞌoꞌ‑ó Ndiosíꞌ: “Nuꞌuꞌ kúvi ni̱ꞌ letra A ya̱ kajiéꞌé xíꞌnañúꞌún jín letra Z ya̱ jínu nu̱u̱nꞌ nɨ́ꞌɨ, [chi maáníꞌ kúvi ya̱ ya íyó ni̱ꞌ nɨ́ɨ́nkání ne̱ xíꞌnañúꞌún ne̱ sáá ntiáꞌan kijiéꞌé kiko̱o ñɨ̱vɨ́, jee sáá nɨꞌɨ ñɨ̱vɨ́ jee koo ni̱ꞌ nɨ́ɨ́nkání]”, nkachiꞌ re̱ꞌ sukuán chi maáréꞌ vá íyó vitan, jín ni̱yo nɨ́ɨ́nkání, jee suni koo re̱ꞌ nɨ́ɨ́nkání. Jee maáréꞌ níso re̱ꞌ fesáꞌ ííꞌ ni̱ꞌin ya̱ kúñáꞌnú nasɨ́kuitɨꞌ re̱ꞌ nu̱u̱nꞌ kua̱íyó.

Chi nuꞌuꞌ kúvi ya̱ tékúꞌ nɨ́ɨ́nkání. Chi ni̱ꞌi̱ꞌ ni̱ꞌ soo vitan chi tékúꞌ ni̱ꞌ nɨ́ɨ́nkání. Jee kuéntáꞌ ínaꞌá ni̱ꞌ nakáa ya̱ nísotíñú ni̱ꞌ ya̱ saꞌá ni̱ꞌ ya̱ rá ni̱yɨ nki̱nóo ráa ka̱ꞌ kuvi ráa ni̱yɨ jee xi̱ntíín nuꞌuꞌ yɨ́ꞌɨ́ nu̱u̱nꞌ nutútú ánímaꞌ rá ni̱yɨ jee nakani núne ni̱ꞌ ráa sáva natekuꞌ ráa kene ráa nteñu rá ni̱yɨ.

Jee na̱ ka̱ꞌ netuꞌ kuvi ɨɨn ñɨvɨ ya̱ káꞌvi rá tu̱ꞌun níso nu̱u̱nꞌ tutuꞌ yaꞌá ya̱ nkene yuꞌú máá maá Ndiosíꞌ, jín rá ñɨvɨ tésóꞌo maa, jee chúꞌun iniꞌ ráa rá tu̱ꞌun níso nu̱u̱nꞌ tutuꞌ yaꞌá. Chi ya̱ kua̱kuyatin tiempúꞌ ya̱ koo ntáká rá tiñu ya̱ nééꞌ nu̱u̱nꞌ tutuꞌ yaꞌá.

Jee sáá niniꞌ ni̱ꞌ re̱ꞌ, jee nna̱niso ni̱ꞌ nu̱u̱nꞌ íñɨ́ jie̱ꞌe̱ꞌ re̱ꞌ kuéntáꞌ ɨɨn ni̱yɨ níꞌiꞌ. Jee ntee re̱ꞌ naꞌá kuáꞌá re̱ꞌ nu̱u̱nꞌ ñunéꞌyúꞌ ni̱ꞌ, jee nkachiꞌ re̱ꞌ nu̱u̱nꞌ ni̱ꞌ: ―Koto yúꞌví nú. Chi maáníꞌ kúvi ya̱ ya íyó ni̱ꞌ nɨ́ɨ́nkání ne̱ xíꞌnañúꞌún ne̱ sáá ntiáꞌan kijiéꞌé kiko̱o ñɨ̱vɨ́, jee sáá nɨꞌɨ ñɨ̱vɨ́ jee koo ni̱ꞌ nɨ́ɨ́nkání.

¡Kune̱ꞌyá rán!, chi nenta Cristo nu̱u̱nꞌ viko, jee ntáká rá ñɨvɨ kuniꞌ jín núunꞌ ráa re̱ꞌ, jee suni ne̱ rá ñɨvɨ ya̱ nkaanꞌ ráa yaviꞌ re̱ꞌ ñaꞌniꞌ ráa re̱ꞌ kuniꞌ jínúunꞌ ráa re̱ꞌ. Saájee suni ne̱ ntáká rá tataꞌ rá ñɨvɨ íyó kua̱íyó iniꞌ ñɨ̱vɨ́ yaꞌá, jee jiaku iniꞌ ráa kunaꞌyuꞌ ráa ya̱ ntu ni̱nu̱ꞌ iniꞌ ráa kaníjiá ráa re̱ꞌ. Saá nijia, sukuán koo.