Popular Bible Verses from Mateo 5

Share

Jee suni ntu nátee ñɨvɨ ñuꞌunꞌ ɨɨn kantil jee túví‑i vá chi̱ji ɨɨn ñenkóꞌó, chisaꞌ chísó súkún‑u vá, sáva kutuunꞌ‑u nu̱u̱nꞌ nɨꞌɨ rá ñɨvɨ nééꞌ iniꞌ veꞌi. Jee suꞌva íyó kueꞌnu na̱a̱ꞌ va̱ꞌa rán sáva kúvi rán kuéntáꞌ ñuꞌunꞌ stúúnꞌ rán nu̱u̱nꞌ rá ñɨvɨ jee kune̱ꞌyá ráa ya̱ váꞌa sáꞌá rán, sáva nakuetúꞌún ráa Tátáꞌ rán Ndiosíꞌ ya̱ nééꞌ antivɨ́ súkún.

’Jee suni sukuán kúvi rán kuéntáꞌ nuva ñuꞌunꞌ túúnꞌ nu̱u̱nꞌ rá ñɨvɨ íyó ñɨ̱vɨ́ yaꞌá jie̱ꞌe̱ꞌ jiáꞌnu na̱a̱ꞌ va̱ꞌa rán. Jín suni kuéntáꞌ ɨɨn ñuunꞌ káꞌnú káá ne̱ xi̱ni̱ꞌ ɨɨn yuku, ya̱ ntu kúvi kɨse̱ꞌí‑i.

Na̱ ka̱ꞌ netuꞌ ka̱ꞌ kúvi rá ñɨvɨ ya̱ íyó ninuꞌun iniꞌ ánímaꞌ ráa, chi suviráa vá kuniꞌ ráa nu̱u̱nꞌ Ndiosíꞌ.

Na̱ ka̱ꞌ netuꞌ ka̱ꞌ kúvi rá ñɨvɨ ya̱ va̱ne̱ꞌ jíso̱ko iniꞌ ráa, jín ya̱ va̱ne̱ꞌ jíchíꞌ iniꞌ ráa ya̱ ñúꞌún iniꞌ ráa kino̱o na̱a̱ꞌ ráa nu̱u̱nꞌ Ndiosíꞌ, chi ne̱kuva̱ꞌa iniꞌ ráa saꞌá Ndiosíꞌ ya̱ kino̱o na̱a̱ꞌ ráa nu̱u̱nꞌ re̱ꞌ.

Soo nuꞌuꞌ káchíꞌ ni̱ꞌ nu̱u̱nꞌ ránú ya̱: Íyó kunu̱u̱nꞌ rán rá ñɨvɨ túfíꞌ ta̱ꞌán ráa jín ránoꞌó, [jee kachiꞌ rán ya̱ váꞌa nu̱u̱nꞌ rá ñɨvɨ ya̱ chísónínu kini ráa ránoꞌó, jee saꞌá rán ya̱ váꞌa nu̱u̱nꞌ rá ñɨvɨ ya̱ táꞌvi iniꞌ ráa néꞌyá ráa ránoꞌó], jee ka̱ka̱nꞌ táꞌvíꞌ rán nu̱u̱nꞌ Ndiosíꞌ ya̱ váꞌa jie̱ꞌe̱ꞌ rá ñɨvɨ [káꞌánꞌ niva̱ꞌa ráa si̱kɨ̱ꞌ rán jee] jíto u̱ꞌvi̱ꞌ ráa ránoꞌó.

Na̱ ka̱ꞌ netuꞌ ka̱ꞌ kúvi rá ñɨvɨ ñúꞌún láꞌví iniꞌ ánímaꞌ ráa ichinúúnꞌ Ndiosíꞌ, ya̱ jíníꞌ ráa ya̱ jíniñúꞌún ráa chineí Ndiosíꞌ ráa, chi suviráa vá yɨ́ꞌɨ́ ráa naꞌá Ndiosíꞌ nééꞌ antivɨ́ súkún ya̱ tátúníꞌ re̱ꞌ.

Na̱ ka̱ꞌ netuꞌ ka̱ꞌ kúvi rá ñɨvɨ ya̱ númánitáꞌán ráa, kuneeꞌ ñunkúún ñɨvɨ jín ɨɨn inka táꞌán ráa, chi nakaꞌanꞌ Ndiosíꞌ se̱ꞌya re̱ꞌ ráa.

Na̱ ka̱ꞌ netuꞌ ka̱ꞌ kúvi rá ñɨvɨ ya̱ náꞌyúꞌ uúꞌ, chi nachuꞌun neí Ndiosíꞌ iniꞌ ráa.

Na̱ ka̱ꞌ netuꞌ ka̱ꞌ kúvi rá ñɨvɨ ya̱ nóꞌo ya̱ jíto u̱ꞌvi̱ꞌ ñɨvɨ ráa, jie̱ꞌe̱ꞌ jiáꞌnu na̱a̱ꞌ ráa sáni kuíni Ndiosíꞌ, chi suviráa vá yɨ́ꞌɨ́ ráa naꞌá Ndiosíꞌ nééꞌ antivɨ́ súkún ya̱ tátúníꞌ re̱ꞌ nu̱u̱nꞌ ráa.

Na̱ ka̱ꞌ netuꞌ ka̱ꞌ kúvi rá ñɨvɨ íyó tu̱ꞌun kúnáꞌví iniꞌ ráa néꞌyá ráa táꞌán ráa, chi suni koo tu̱ꞌun kúnáꞌví iniꞌ Ndiosíꞌ kune̱ꞌyá re̱ꞌ ráa.

’Na̱ ka̱ꞌ netuꞌ ka̱ꞌ kúvi ránoꞌó sáá ténúunꞌ ñɨvɨ ránoꞌó, jee sáꞌá kini ráa ránoꞌó, jee káchíꞌ ráa ntáká nu̱u̱nꞌ ya̱ níváꞌa si̱kɨ̱ꞌ rán sátúꞌún ráa si̱kɨ̱ꞌ rán, jie̱ꞌe̱ꞌ yɨ́ꞌɨ́ rán nu̱u̱nꞌ nuꞌuꞌ. Na̱ ka̱ꞌ kusɨ̱ɨ̱ꞌ iniꞌ rán jee sɨ̱ɨ̱ꞌ kuvi ka̱ꞌ iniꞌ ánímaꞌ rán, chi mánasɨ́ ñáꞌnú ví ta̱ꞌvi̱ꞌ nataji Ndiosíꞌ nu̱u̱nꞌ rán ya̱ íyó ne̱ antivɨ́ súkún. Chi sánikua̱ꞌ sáꞌá kini ráa jín ránoꞌó suni sukuán nsa̱ꞌá kini rá ñɨvɨ jín rá te̱e nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán ne̱ ntiáꞌan nkiji ránoꞌó.

Na̱ ka̱ꞌ netuꞌ ka̱ꞌ kúvi rá ñɨvɨ ya̱ másúꞌ iniꞌ ráa, chi sikútaꞌviꞌ Ndiosíꞌ ñɨ̱vɨ́ nu̱u̱nꞌ ráa kúvi ta̱ꞌvi̱ꞌ ráa.

’Ránoꞌó kúvi rán kuéntáꞌ ñɨ̱ɨ̱nꞌ ya̱ sáꞌá nu̱ꞌú nu̱u̱nꞌ ñɨ̱vɨ́ yaꞌá, chi jiáꞌnu na̱a̱ꞌ rán, soo retú nukatɨ́ ñɨ̱ɨ̱nꞌ, jee, ¿na̱ja kuvi nuꞌu̱ꞌva̱ꞌ tuku‑u rúja? Ya ntu̱náꞌ íyótiñu‑u ka̱ꞌ, saáva ku̱te̱ꞌ ñɨvɨ maa, jee kua̱ñu̱ꞌ ñɨvɨ maa.

Saáva na̱a̱ꞌ kueꞌnu ránú kɨtíñú noo rán nu̱u̱nꞌ Ndiosíꞌ kuéntáꞌ kua̱ꞌ máá na̱a̱ꞌ kúvi Tátáꞌ ránú Ndiosíꞌ ya̱ nééꞌ antivɨ́ súkún.

Chisaꞌ kuvi tu̱ꞌun káchíꞌ rán “kuvi”, retú kuvi, jee retú ntu̱ví, jee “ntu̱ví”. Chi retú chísó rán ka̱ꞌ nu̱u̱nꞌ tu̱ꞌun káꞌánꞌ rán, jee yukuán kúvi ya̱ váji‑i nu̱u̱nꞌ ya̱ kíni.

’Jee ya̱ nteso̱ꞌo rán jie̱ꞌe̱ꞌ rá tu̱ꞌun ya̱ nkachiꞌ Ndiosíꞌ ya̱: “Retú ɨɨn ñɨvɨ nstu̱fíꞌ‑i nchinúún inka ñɨvɨ, jee suni sukuán nastufíꞌ ráa nchinúún ñɨvɨ vá. Jee retú nxi̱náva ñɨvɨ nu̱ꞌun inka ñɨvɨ, jee suni naxináva ráa nu̱ꞌun‑u.” Soo nuꞌuꞌ káchíꞌ ni̱ꞌ nu̱u̱nꞌ ránú ya̱: Koto núníꞌin ránú nu̱u̱nꞌ ñɨvɨ niváꞌa. Chisaꞌ retú ɨɨn ñɨvɨ kátúꞌ‑u yɨkɨnúúnꞌ ichi kuáꞌá nú, jee natee nú iyo inka ichi yɨkɨnúúnꞌ nú nu̱u̱nꞌ‑u.

’Jee saáva, retú nchinúún kuáꞌá nú sáꞌá‑a ya̱ kininkava nú nu̱u̱nꞌ kua̱chi, va̱ꞌa ka̱ꞌ tavaꞌ nú maa sukuíkó nú maa. Chi va̱ꞌa ka̱ꞌ ví nú ya̱ sukuíkó nú ɨɨn rá íyó nu̱u̱nꞌ yɨkɨkúñu nú, nsú káꞌ ya̱ sukuíkó nɨꞌɨ ñunéꞌyúꞌ nú nu̱u̱nꞌ ñuꞌúnꞌ xéénꞌ. ’Jee retú sóꞌó naꞌá kuáꞌá nú kininkava nú nu̱u̱nꞌ kua̱chi, va̱ꞌa ka̱ꞌ ya̱ keꞌneꞌ nú maa sukuíkó nú maa. Chi va̱ꞌa ka̱ꞌ kúvi nú ya̱ sukuíta nú ɨɨn rá íyó nu̱u̱nꞌ yɨkɨkúñu nú, nsú káꞌ ya̱ koo nɨꞌɨ ñunéꞌyúꞌ nú jee kɨ̱ꞌɨ̱nꞌ nú nu̱u̱nꞌ ñuꞌúnꞌ xéénꞌ.