Popular Bible Verses from Mateo 27

Share

Jee nɨ́ kau̱ni̱ꞌ ni̱ꞌin víꞌí nka̱najíín Jesús, jee nkachiꞌ re̱ꞌ: ―Elí, Elí, ¿lama sabactani? ―nkachiꞌ re̱ꞌ. (Jee tu̱ꞌun yaꞌá kuíni kachiꞌ: Ndiosíꞌ ni̱ꞌ, Ndiosíꞌ ni̱ꞌ, ¿na̱kui chi nkeꞌen nú nxi̱nóo nú nuꞌuꞌ?)

Jee maa hora yukuán, jee saꞌma káꞌnú níntakaa ñúmáꞌñú jiásɨ́ꞌ iniꞌ veꞌi ííꞌ víꞌí iniꞌ veñu̱ꞌun káꞌnú nna̱ta̱sava, ne̱ xi̱ni̱ꞌ‑i jín ne̱ jie̱ꞌe̱ꞌ‑e, jee nta̱an nu̱u̱nꞌ ñu̱ꞌún jee nna̱tasáva rá yu̱u̱ꞌ. Jee nine rá yuꞌú yaviꞌ nu̱u̱nꞌ yɨ́ꞌɨ́ rá ni̱yɨ, jee nna̱tekuꞌ kue̱ꞌe̱ꞌ rá ñɨvɨ ya̱ yɨ́ꞌɨ́ ráa nu̱u̱nꞌ Ndiosíꞌ.

Jee kuíre tukuni kua̱yuꞌú Jesús nka̱najíín níꞌin re̱ꞌ, jee ni̱ꞌi̱ꞌ re̱ꞌ.

Jee te̱e kúvi capitán rá soldado jín rá soldado ya̱ íñɨ́ ráa jín re̱ꞌ ya̱ kúmí ráa Jesús, jee sáá niniꞌ ráa ya̱ nta̱an jín nɨꞌɨ ya̱ nkuvi, jee nyu̱ꞌví nasɨ́kuitɨꞌ ráa, jee nkachiꞌ ráa: ―Máá nááꞌ nijia ya̱ Se̱ꞌya Ndiosíꞌ kúvi te̱e yaꞌá ―nkachiꞌ ráa.

Jee sáá nkuvi kaxu̱vi̱ꞌ (12), jee nnu̱neenꞌ kua̱ꞌ íyó kuitɨꞌ iniꞌ ñɨ̱vɨ́ nkenta ne̱ kau̱ni̱ꞌ ya̱ kuáini.

Jee nkachiꞌ Pilato nu̱u̱nꞌ ráa: ―¿Ná kúvi ya̱ saꞌá ni̱ꞌ jín Jesús ya̱ káchíꞌ ñɨvɨ ya̱ kúvi Cristo résa? ―nkachiꞌ re̱ꞌ. Jee ntáká kuitɨꞌ ráa nkachiꞌ: ―¡Tekaa maa nu̱u̱nꞌ kurúsiꞌ sáva kuviꞌ‑i! ―nkachiꞌ ráa. Soo nkachiꞌ re̱ꞌ: ―¿Na̱kui rúja? ¿Na̱ kúvi ya̱ niváꞌa nsa̱ꞌá‑a réja? ―nkachiꞌ Pilato. Soo suviráa chisaꞌ nxi̱níꞌin ráa ka̱ꞌ kánajíín níꞌin ráa ka̱ꞌ: ―¡Tekaa maa nu̱u̱nꞌ kurúsiꞌ! ―káchíꞌ ráa.