Popular Bible Verses from Mateo 22

Share

Jee nkachiꞌ Jesús nu̱u̱nꞌ‑u: ―“Kunu̱u̱nꞌ I̱toꞌoꞌ nú ya̱ kúvi Ndiosíꞌ nú jín ne̱ nɨꞌɨ ánímaꞌ nú, jín ne̱ nɨꞌɨ iniꞌ nú, jín ne̱ nɨꞌɨ antúníꞌ nú.” Yaꞌá kúvi tu̱ꞌun máá ñáꞌnú ka̱ꞌ ya̱ tátúníꞌ Ndiosíꞌ, jee suvi vá xíꞌnañúꞌún ka̱ꞌ. Jee ya̱ uvíꞌ ya̱ tátúníꞌ Ndiosíꞌ kúnkunuún kúvi‑i suꞌva: “Íyó kunu̱u̱nꞌ nú ñanitáꞌán nú kuéntáꞌ kua̱ꞌ ñúnúunꞌ nú maánú.”

Jee ne̱ nu̱u̱nꞌ ni núvíꞌ rá tu̱ꞌun yaꞌá ya̱ tátúníꞌ Ndiosíꞌ va̱ji nɨꞌɨ rá tu̱ꞌun ntee Moisés ya̱ nta̱túníꞌ Ndiosíꞌ, jín nɨꞌɨ tu̱ꞌun ntee rá te̱e ya̱ nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán ―nkachiꞌ Jesús.

Chi kue̱ꞌe̱ꞌ rá ñɨvɨ kána Ndiosíꞌ ráa, soo yakuꞌ káji Ndiosíꞌ ki̱vɨ xi̱ntíín re̱ꞌ ―nkachiꞌ Jesús.

Chi ki̱vɨ̱ꞌ natekuꞌ i̱i̱ꞌ tuku rá ñɨvɨ níꞌiꞌ kene ráa nteñu rá níyɨ, jee ni nsáꞌ tana̱ꞌá ráa ka̱ꞌ, jee ni nsáꞌ xitánáꞌá ráa rá se̱ꞌya sɨ́ꞌɨ́ ráa, chisaꞌ koo ráa kuéntáꞌ kua̱ꞌ rá najiáꞌáꞌ ííꞌ Ndiosíꞌ ya̱ íyó antivɨ́ súkún, ya̱ ni ntu tánáꞌá rává.

Xinéꞌénꞌ rán ɨɨn xu̱ꞌún ka̱a ya̱ chúnáán rán xu̱ꞌún ya̱ náneeꞌ te̱e tátúníꞌ Roma, kune̱ꞌyá ni̱ꞌ maa ―nkachiꞌ Jesús. Jee njia̱ꞌa ráa ɨɨn xu̱ꞌún ka̱a nu̱u̱nꞌ re̱ꞌ. Jee nkachiꞌ re̱ꞌ nu̱u̱nꞌ rává: ―¿Né ɨɨn xín nu̱u̱nꞌ te̱e ví ya̱ nééꞌ nu̱u̱nꞌ xu̱ꞌún ka̱a yaꞌá rúja?, jín, ¿né ɨɨn súví níso nu̱u̱nꞌ‑u? ―nkachiꞌ re̱ꞌ. Jee nkachiꞌ rává: ―Te̱e tátúníꞌ nación Roma ví‑i. Saájee nkachiꞌ Jesús nu̱u̱nꞌ rává: ―Rá kúvi nantíñú te̱e nísotíñú tátúníꞌ re̱ꞌ nu̱u̱nꞌ nación Roma naku̱ꞌva rán maa nu̱u̱nꞌ te̱e tátúníꞌ nación Roma. Jee rá kúvi nantíñú Ndiosíꞌ naku̱ꞌva rán maa nu̱u̱nꞌ Ndiosíꞌ ―nkachiꞌ Jesús nu̱u̱nꞌ rává.