Popular Bible Verses from Mateo 12

Share

Soo káchíꞌ ni̱ꞌ nu̱u̱nꞌ rán ki̱vɨ̱ꞌ koo juiciúꞌ jee naku̱ꞌva ñɨvɨ kuéntáꞌ jie̱ꞌe̱ꞌ ntáká tu̱ꞌun nékáíyó káꞌánꞌ‑a. Chi sánikua̱ꞌ jie̱ꞌe̱ꞌ rá tu̱ꞌun nkachiꞌ nú ví ya̱ saꞌá na̱a̱ꞌ Ndiosíꞌ jie̱ꞌe̱ꞌ nú, á sanáaꞌ re̱ꞌ ya̱ na̱a̱ꞌ kínóo nú, áxí sijíta re̱ꞌ nó.

¡Ránoꞌó ya̱ kúvi rán kuéntáꞌ tataꞌ ko̱o̱ꞌ xe̱e̱nꞌ! Jee, ¿na̱sa kúvi kachiꞌ rán tu̱ꞌun váꞌa rúja?, chi ñɨvɨ kánéꞌén ví maárán. Chi máá ya̱ ñúꞌún chitú ánímaꞌ ñɨvɨ ví ya̱ kéne yuꞌú‑u káchíꞌ‑i.

Chi suni sukuán ɨɨn ñɨvɨ va̱ꞌa iniꞌ, jee ne̱ ya̱ váꞌa ñúꞌún iniꞌ ánímaꞌ‑a, jee yukuán kéne tiñu váꞌa sáꞌá‑a. Soo ñɨvɨ niváꞌa, jee ne̱ ya̱ níváꞌa ñúꞌún iniꞌ ánímaꞌ‑a, jee yukuán kéne tiñu niváꞌa sáꞌá‑a.

’Jee saáva káchíꞌ ni̱ꞌ nu̱u̱nꞌ rán ya̱ kúvi kunekáꞌnú iniꞌ Ndiosíꞌ jie̱ꞌe̱ꞌ ntáká nu̱u̱nꞌ kua̱chi sáꞌá rá ñɨvɨ, jín suni rá tu̱ꞌun níváꞌa káꞌánꞌ rá ñɨvɨ si̱kɨ̱ꞌ Ndiosíꞌ. Soo ni nsáꞌ kunekáꞌnú iniꞌ Ndiosíꞌ tu̱ꞌun káꞌánꞌ niva̱ꞌa rá ñɨvɨ si̱kɨ̱ꞌ Ta̱chi̱ꞌ Ííꞌ re̱ꞌ.

’Chi ɨɨn yutun váꞌa, jee jiáꞌa‑a ya̱ vixíꞌ váꞌa, áxí ɨɨn yutun ne̱ꞌén jee suni jiáꞌa‑a ya̱ vixíꞌ ne̱ꞌén. Jee yukuán jee jíníꞌ‑ó na̱ yutun kúvi‑i jie̱ꞌe̱ꞌ rá vixíꞌ jiáꞌa‑a.