Popular Bible Verses from Génesis 49

Share

Jee nkuíyo bastón nu̱u̱nꞌ Judá, jee kino̱o bastón te̱e néetiñu jín rá ichiyúkúnꞌ kiji nu̱u̱nꞌ re̱ꞌ ya̱ tatúníꞌ ráa ne̱kua̱ꞌ kiji te̱e xí karútíꞌ vá, jee rá ñɨvɨ ntáká rá ñuunꞌ kaníjiá ráa re̱ꞌ.

’Jee José chi kuvi re̱ꞌ kuéntáꞌ ɨɨn yokúꞌúꞌ íñɨ́ yatin nu̱u̱nꞌ káku nute, ya̱ jiáꞌa víꞌí rá vixíꞌ, jee rá naꞌá‑a káa koo nu̱u̱nꞌ nsamaꞌ. Jee rá te̱e jiátíñú arco kuꞌun ta̱ꞌvi̱ꞌ iniꞌ ráa kune̱ꞌyá ráa maa, jee tivɨꞌ ráa maa jín flecha ráa jee ixtáña̱ꞌán ráa maa.

Soo José chi kino̱o kutú arco re̱ꞌ jee nakuiꞌ rá naꞌá re̱ꞌ saꞌá Ndiosíꞌ, jee máá Ndiosíꞌ kúñáꞌnú nasɨ́kuitɨꞌ nu̱u̱nꞌ nɨꞌɨ. Jee Ndiosíꞌ ví ya̱ néñu̱ꞌun Jacob maa, jee Ndiosíꞌ ví ya néen kuéntáꞌ re̱ꞌ Jacob kua̱ꞌ te̱e náka sa̱na̱ꞌ, jee kúmí kútú‑u Israel kuéntáꞌ ɨɨn kava yu̱u̱ꞌ. Ndiosíꞌ ya̱ néñu̱ꞌun tátáꞌ nú maa jee chineí re̱ꞌ noꞌó. Jee maáréꞌ níso re̱ꞌ fuersáꞌ ííꞌ ni̱ꞌin ya̱ kúñáꞌnú nasɨ́kuitɨꞌ re̱ꞌ nu̱u̱nꞌ kua̱íyó, jee maáréꞌ saꞌá ya̱ netuꞌ kuvi nú jín ya̱ váꞌa ya̱ váji ne̱ súkún, jín ya̱ váꞌa ya̱ váji ne̱ nu̱u̱nꞌ káku nute chi̱ji ñuꞌun. Jee saꞌá re̱ꞌ ya̱ netuꞌ kuvi nú ya̱ kukueꞌeꞌ se̱ꞌya nú jín sa̱na̱ꞌ nú.

’Jee noꞌó Judá, rá ñaniꞌ nú nakuetúꞌún ráa noꞌó, jee kuneí nú si̱kɨ̱ꞌ rá ñɨvɨ tu̱fi̱ꞌ ta̱ꞌán jín noꞌó, jee ne̱ rá ñaniꞌ maánú nakui̱ñɨ̱ꞌ ítɨ́ ráa kua̱xin nei ráa maáráa nu̱u̱nꞌ nú. Jee noꞌó, Judá, se̱ꞌya maáníꞌ, kúvi nú kuéntáꞌ ɨɨn nikaꞌa súchí ya̱ kúvi se̱ꞌya ɨɨn nikaꞌa, jee sáá nɨ́ꞌɨ yájíꞌ ti̱ꞌ kitɨ ntɨɨn ti̱ꞌ, jee jiáxin ti̱ꞌ xi̱ni̱ꞌ ti̱ꞌ jee jiákava ti̱ꞌ nu̱u̱nꞌ ñuꞌun. Jee ya̱ kúvi ti̱ꞌ kua̱ꞌ ɨɨn nikaꞌa káꞌnú, jee, ¿ne̱ ɨɨn vá kiji iniꞌ staña̱ꞌán maa rúja?

’Noꞌó Rubén, kúvi nú se̱ꞌya yɨ́ɨ́ ni̱ꞌ ya̱ nkaku xíꞌnañúꞌún, jee fuersáꞌ xíꞌnañúꞌún ni̱ꞌ nkene nú ya̱ níyo nu̱u̱nꞌ ni̱ꞌ sáá nijia ni̱ꞌ kúvi ni̱ꞌ te̱e. Jee kéne nú ka̱ꞌ nu̱u̱nꞌ kúñáꞌnú nú jee íyó ka̱ꞌ fuersáꞌ nu̱u̱nꞌ nú. Soo jiáꞌa saꞌá nú kuéntáꞌ jínu nute, jee nkúvi nú ka̱ꞌ ya̱ xíꞌnañúꞌún, chi nka̱a nú nu̱u̱nꞌ i̱to ni̱ꞌ jín ñaꞌan nna̱kasaɨn ni̱ꞌ jee njia̱ꞌa nú tu̱nkánuun nu̱u̱nꞌ‑ó.