Popular Bible Verses from 1 Pedro 3

Share

Chisaꞌ ne̱ ánímaꞌ rán íyó chiñúꞌún rán Cristo jee íyó ku̱ꞌvayuꞌú rán ya̱ kúvi re̱ꞌ I̱toꞌoꞌ rán, jee sukuáni íyó satúꞌva rán maárán sáva naxiníkó váꞌa rán nu̱u̱nꞌ ntáká ñɨvɨ ya̱ jíkátu̱ꞌún‑u ránoꞌó jie̱ꞌe̱ꞌ ya̱ váꞌa ya̱ nétu rán íyó tu̱neí iniꞌ rán ya̱ saꞌá Cristo jín rán. Soo másúꞌ koo iniꞌ rán naxiníkó rán nu̱u̱nꞌ ráa, jee kaꞌanꞌ yɨ́ñúꞌún rán jín ráa, jee kueꞌnu na̱a̱ꞌ rán ya̱ jíníꞌ rán ya̱ ntu íyó si̱kɨ̱ꞌ rán, sáva sáá káꞌánꞌ niva̱ꞌa ráa si̱kɨ̱ꞌ rán kukanuun ráa jie̱ꞌe̱ꞌ tu̱ꞌun niváꞌa ya̱ káꞌánꞌ ráa jie̱ꞌe̱ꞌ va̱ꞌa jiáꞌnu rán jie̱ꞌe̱ꞌ yɨ́ꞌɨ́ rán nu̱u̱nꞌ Cristo.

Chi máá I̱toꞌoꞌ‑ó Ndiosíꞌ néꞌyá re̱ꞌ rá ñɨvɨ na̱a̱ꞌ jee kúmí re̱ꞌ ráa, jee tésóꞌo re̱ꞌ ya̱ káꞌánꞌ ráa jín re̱ꞌ. Soo ntu nénu̱u̱nꞌ re̱ꞌ rá ñɨvɨ ya̱ sáꞌá tiñu níváꞌa kénta re̱ꞌ si̱kɨ̱ꞌ ráa.

Jee nsú jín nantíñú túvi nu̱u̱nꞌ nijínꞌ nasaꞌá viiꞌ rán maárán, sú kuéntáꞌ sáá nákoto rán ixi xíníꞌ rán jee násikútú rán maárán jín rá nantíñú ya̱ kúvi oro áxí jín rá saꞌma ya̱ kuꞌun rán. Chisaꞌ íyó nasikútú rán maárán jín ya̱ váꞌa viiꞌ ya̱ ñúꞌún yuꞌuꞌ ne̱ ánímaꞌ rán, ya̱ ni nsáꞌ náánꞌ‑a, yukuán kúvi ya̱ viiꞌ ñunkúún iniꞌ rán jee kuꞌun másúꞌ vi̱tá iniꞌ ánímaꞌ rán, chi suvi‑i vá yɨ́yáꞌvi nasɨ́kuitɨꞌ nu̱u̱nꞌ Ndiosíꞌ.

Káchíꞌ nu̱u̱nꞌ Tutuꞌ Ííꞌ ya̱: Ñɨvɨ ya̱ ñúnúunꞌ‑u kutekuꞌ‑u, jee kuíni‑i ya̱ koo va̱ꞌa rá ki̱vɨ̱ꞌ tékúꞌ‑u nakaꞌnu‑u yáá‑a nkaꞌanꞌ‑a rá tu̱ꞌun níváꞌa, jín ya̱ koto kene tu̱ꞌun xínáꞌví yuꞌú‑u. Jee kuiyo‑o nu̱u̱nꞌ rá tiñu níváꞌa, jee saꞌá‑a rá tiñu váꞌa, nukú‑u kuneeꞌ ñunkúún váꞌa‑a jín ɨɨn inka táꞌán‑a, jee kunikɨnꞌ‑ɨ vá.

Jee nu̱u̱nꞌ nɨꞌɨ ɨɨn nuún ni kuꞌun iniꞌ ɨɨn inka ntáká rán, kunáꞌví iniꞌ rán táꞌán rán ré na̱kuáꞌ nóꞌo‑o, kunu̱u̱nꞌ rán ɨɨn inka ñanitáꞌán rán, kuñunkúún iniꞌ ánímaꞌ rán jee kuꞌun láꞌví iniꞌ rán. Koto násaꞌá niva̱ꞌa rán nu̱u̱nꞌ ɨɨn ñɨvɨ ya̱ sáꞌá niva̱ꞌa‑a jín ránoꞌó, jee koto nátenu̱u̱nꞌ rán ñɨvɨ ya̱ ténúunꞌ‑u ránoꞌó, chisaꞌ nakaꞌanꞌ rán tu̱ꞌun váꞌa ya̱ kuvi ya̱ váꞌa nu̱u̱nꞌ ráa. Chi nkana Ndiosíꞌ ránoꞌó sáva saꞌá rán suꞌva sáva ni̱ꞌi̱nꞌ rán ta̱ꞌvi̱ꞌ taji re̱ꞌ nu̱u̱nꞌ rán ya̱ kuvi ya̱ váꞌa ránoꞌó.

¿Né ɨɨn kúvi ya̱ saꞌá kini‑i ránoꞌó, retú ñúꞌún káñá iniꞌ rán sáꞌá rán mani tiñu váꞌa rúja?

Jee kuiyo‑o nu̱u̱nꞌ rá tiñu níváꞌa, jee saꞌá‑a rá tiñu váꞌa, nukú‑u kuneeꞌ ñunkúún váꞌa‑a jín ɨɨn inka táꞌán‑a, jee kunikɨnꞌ‑ɨ vá.

Chi retú kuíni máá Ndiosíꞌ ya̱ kunoꞌo rán, jee íyó va̱ꞌa ka̱ꞌ ya̱ kunoꞌo rán jie̱ꞌe̱ꞌ ya̱ sáꞌá rán tiñu váꞌa, nsú káꞌ jie̱ꞌe̱ꞌ tiñu níváꞌa.