Popular Bible Verses from 1 Corintios 9

Share

Chi ntáká ñɨvɨ síkɨ́ jee núnasɨ́ ráa sátúꞌva ráa maáráa kúmí ráa ñunéꞌyúꞌ ráa sáva kuneí ráa jee ni̱ꞌi̱nꞌ ráa kutaꞌviꞌ ráa ɨɨn ta̱ꞌvi̱ꞌ, ya̱ ntu̱ví kínóo ntáká tiempúꞌ chi náánꞌ‑á. Soo maáó chi ni̱ꞌi̱nꞌ‑ó ɨɨn ta̱ꞌvi̱ꞌ ya̱ kutaꞌviꞌ‑ó ya̱ koo jín‑ó nɨ́ɨ́nkání ya̱ ntu̱ví náánꞌ‑a. Jee saáva nuꞌuꞌ, jee núnasɨ́ ni̱ꞌ kueꞌnu ni̱ꞌ sáni kuíni Ndiosíꞌ, kuéntáꞌ sáꞌá ɨɨn te̱e jínu, soo nsú kuéntáꞌ te̱e jínu saɨn. Jee núnasɨ́ ni̱ꞌ kuéntáꞌ te̱e kántáꞌán soo ntu̱ví sáꞌá ni̱ꞌ kuéntáꞌ sáꞌá ɨɨn te̱e ya̱ kántáꞌán jee jiáꞌa re̱ꞌ ta̱chi̱ꞌ víjin ni.

Chisaꞌ, xichiꞌ nákeꞌen ni̱ꞌ yɨkɨkúñu ni̱ꞌ, jee chíꞌi ni̱ꞌ maa xi̱ntíín ni̱ꞌ, jee sáꞌá ni̱ꞌ sukuán sáva sáá nku̱neí ni̱ꞌ ya̱ nste̱kútu̱ꞌún ni̱ꞌ Tu̱ꞌun Ndiosíꞌ nu̱u̱nꞌ inka ñɨvɨ, jee retú ntu nákeꞌen ni̱ꞌ yɨkɨkúñu ni̱ꞌ jee sa̱naanꞌ jee ntu tɨɨn kuéntáꞌ Ndiosíꞌ ya̱ nsa̱ꞌá ni̱ꞌ jee xitá re̱ꞌ ta̱ꞌvi̱ꞌ nachunáán re̱ꞌ nu̱u̱nꞌ nuꞌuꞌ nékúvi.

Jee, ¿á ntu jíníꞌ rán ya̱ sáá kunu rá ñɨvɨ jee ntáká kuitɨꞌ ráa jínu nijia, soo kua̱chi métúꞌún ɨɨn ni ví ya̱ kúneí‑i ni̱ꞌi̱nꞌ‑i kutaꞌviꞌ‑i ta̱ꞌvi̱ꞌ‑i rúja? Saáva suni sukuán kuéntáꞌ jínu ɨɨn ñɨvɨ, íyó kueꞌnu rán kuniꞌvɨꞌ iniꞌ rán kuiñɨ ni̱ꞌin rán jín tu̱ꞌun re̱ꞌ sáva kuneí rán ni̱ꞌi̱nꞌ rán ta̱ꞌvi̱ꞌ kutaꞌviꞌ rán ya̱ nachunáán re̱ꞌ nu̱u̱nꞌ ránoꞌó.

Jee sáá nééꞌ ni̱ꞌ jín rá ñaniꞌ‑ó ya̱ táyáꞌ iniꞌ tu̱jiáni iniꞌ ráa jie̱ꞌe̱ꞌ ya̱ ntiáꞌan kujia iniꞌ ráa nu̱u̱nꞌ Tu̱ꞌun Ndiosíꞌ, jee suni sukuán jiáꞌnu ni̱ꞌ sáni jiáꞌnu maáráa ya̱ táyáꞌ iniꞌ, sáva ni̱ꞌi̱nꞌ ni̱ꞌ ya̱ sijínúꞌ ni̱ꞌ iniꞌ ráa tu̱ꞌun vá. Jee sukuán násaꞌá ni̱ꞌ maáníꞌ, chi jiáꞌnu ni̱ꞌ sánikua̱ꞌ jiáꞌnu ntáká nu̱u̱nꞌ ñɨvɨ, sáva sú na̱ja ka̱ꞌ kuneí sijínúꞌ ni̱ꞌ iniꞌ sava ráa ji̱nu̱ꞌ iniꞌ ráa Jesús jee natavaꞌ re̱ꞌ ráa nu̱u̱nꞌ kua̱chi ráa sikáku re̱ꞌ ráa.