Popular Bible Verses from 1 Corintios 14

Share

Chi Ndiosíꞌ chi ntu kúvi re̱ꞌ Ndiosíꞌ ya̱ sísákánuun re̱ꞌ xi̱ni̱ꞌ‑ó, chisaꞌ sáꞌá re̱ꞌ ya̱ nééꞌ ñunkúún‑ó jín ɨɨn inka‑ó. Kuéntáꞌ sáꞌá‑ó iniꞌ ntáká rá grupo ñɨvɨ kúneí iniꞌ ráa Cristo ya̱ nsa̱ꞌá sɨ́ɨ́n re̱ꞌ yɨ́ꞌɨ́ ráa nu̱u̱nꞌ Ndiosíꞌ

Jee saáva nunasɨ́ rán kunikɨnꞌ rán kunu̱u̱nꞌ rán rá ñanitáꞌán rán, jee suni kuꞌun kúvi iniꞌ rán rá ta̱ꞌvi̱ꞌ ya̱ táji Ta̱chi̱ꞌ Ííꞌ Ndiosíꞌ nu̱u̱nꞌ rán, jee ta̱ꞌvi̱ꞌ ñáꞌnú ka̱ꞌ taji re̱ꞌ nu̱u̱nꞌ rán ví ya̱ chíneí re̱ꞌ nakani rán nu̱u̱nꞌ rá ñɨvɨ tu̱ꞌun kéne yuꞌú Ndiosíꞌ.

Soo ñɨvɨ ya̱ nákani tu̱ꞌun nkene yuꞌú Ndiosíꞌ, jee káꞌánꞌ‑a jín rá ñɨvɨ sáva sikújia‑a iniꞌ ráa kueꞌnu ráa jín Tu̱ꞌun Ndiosíꞌ, jín sáva nachuꞌun neí‑i iniꞌ ráa, jín sáva nasaꞌá sɨ́ɨꞌ‑ɨ iniꞌ ráa.

Jee ñɨvɨ ya̱ káꞌánꞌ inka nu̱u̱nꞌ tu̱ꞌun ya̱ ntu jiáku̱ꞌun iniꞌ‑i, jee kua̱chi násáneí‑i iniꞌ maáa ni. Soo ñɨvɨ ya̱ nákani tu̱ꞌun kéne yuꞌú Ndiosíꞌ sáá kútútú rá ñanitáꞌán‑ó, jee sáꞌá‑a ya̱ jíjia iniꞌ ráa sáá kueꞌnu ráa jín Tu̱ꞌun Ndiosíꞌ.

Jee saáva ránoꞌó jee jie̱ꞌe̱ꞌ ya̱ ñúnúunꞌ rán rá ta̱ꞌvi̱ꞌ ya̱ jiáꞌa Ta̱chi̱ꞌ Ííꞌ Ndiosíꞌ, jee kunu̱u̱nꞌ rán ya̱ saꞌ víꞌí káꞌ kua̱tíñú rán rá ta̱ꞌvi̱ꞌ vá sáva sikújia rán iniꞌ rá ñanitáꞌán rán ya̱ yɨ́ꞌɨ́ naꞌá Ndiosíꞌ sáva kukutú ka̱ꞌ iniꞌ ráa nu̱u̱nꞌ Tu̱ꞌun Ndiosíꞌ.