Popular Bible Verses from 1 Corintios 12

Share

Saájee nu̱u̱nꞌ ta ɨɨn ɨɨn‑ó táji Ta̱chi̱ꞌ Ííꞌ ta̱ꞌvi̱ꞌ ya̱ túvi ya̱ sátíñú re̱ꞌ iniꞌ‑ó sáva sáꞌá‑ó tiñu Ndiosíꞌ ya̱ síkújia‑ó iniꞌ rá ñanitáꞌán‑ó jín Tu̱ꞌun Ndiosíꞌ ya̱ kúvi ya̱ váꞌa maáó.

Jee ránoꞌó ranika̱ꞌ chi kúvi rán yɨkɨkúñu Cristo, chi yɨ́ꞌɨ́ rán nu̱u̱nꞌ re̱ꞌ, jee ta ɨɨn ta ɨɨn‑ó kúvi‑ó pedasúꞌ yɨkɨkúñu re̱ꞌ.

Chi retú nóꞌo ɨɨn rá pedasúꞌ yɨkɨkúñu‑ó tu̱nóꞌó, jee kua̱íyó nɨ́ɨ́nkáꞌnú rá pedasúꞌ yɨkɨkúñu‑ó nóꞌo jín‑i. Jee retú ɨɨn pedasúꞌ yɨkɨkúñu‑ó ni̱ꞌi̱nꞌ‑i ya̱ ñáꞌnú‑u, jee suni ne̱ kua̱íyó rá pedasúꞌ yɨkɨkúñu‑ó núsɨ́ɨꞌ iniꞌ ráa jín‑i ranika̱ꞌ.

Chi nu̱u̱nꞌ sava‑ó táji Ta̱chi̱ꞌ Ííꞌ ta̱ꞌvi̱ꞌ ya̱ káꞌánꞌ‑a tu̱ꞌun níchí ya̱ va̱ji ne̱ nu̱u̱nꞌ Ndiosíꞌ. Jee nu̱u̱nꞌ inka‑ó ka̱ꞌ táji ɨɨn ni Ta̱chi̱ꞌ Ííꞌ vá ta̱ꞌvi̱ꞌ ya̱ sátíñú re̱ꞌ iniꞌ‑i sáva jíníꞌ va̱ꞌa‑a Tu̱ꞌun Ndiosíꞌ jee xínéꞌénꞌ‑e vá nu̱u̱nꞌ rá ñanitáꞌán‑ó. Jee nu̱u̱nꞌ inka‑ó ka̱ꞌ táji métúꞌún Ta̱chi̱ꞌ Ííꞌ vá ta̱ꞌvi̱ꞌ ya̱ kuvi kuneí ni̱ꞌin ka̱ꞌ iniꞌ‑i Ndiosíꞌ. Jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ ya̱ xínúvi‑i ñɨvɨ kúꞌvíꞌ sáꞌá métúꞌún Ta̱chi̱ꞌ Ííꞌ vá. Jee nu̱u̱nꞌ inka‑ó ka̱ꞌ táji re̱ꞌ fuersáꞌ níꞌin níso re̱ꞌ sáva kuvi saꞌá‑a rá tiñu a̱nasɨ́ váꞌa, jee nu̱u̱nꞌ inka‑ó ka̱ꞌ táji re̱ꞌ ya̱ kuvi nakani‑i tu̱ꞌun kéne yuꞌú maá Ndiosíꞌ, jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ sáva nakuniꞌ‑i ntáká ya̱ váji nu̱u̱nꞌ Ta̱chi̱ꞌ Ííꞌ áxí retú nu̱u̱nꞌ ta̱chi̱ꞌ kíni va̱ji rá tu̱ꞌun vá. Jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ ya̱ kuvi kaꞌanꞌ‑a kéꞌín nu̱u̱nꞌ tu̱ꞌun ya̱ ntu jiáku̱ꞌun iniꞌ‑i, jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ ya̱ kuvi nakachiꞌ‑i ná kúníꞌ kachiꞌ rá tu̱ꞌun káꞌánꞌ ñɨvɨ súnika̱ꞌ ntu jiáku̱ꞌun iniꞌ‑i vá.

Jee ntáká rá tiñu yaꞌá, jee métúꞌún ni Ta̱chi̱ꞌ Ííꞌ Ndiosíꞌ ví ya̱ sáꞌá maa jee suni maá Ta̱chi̱ꞌ Ííꞌ vá ví ya̱ sájiáꞌ maa nu̱u̱nꞌ ta ɨɨn ɨɨn‑ó sánikua̱ꞌ kuíni maáa.

Jee sukuán nsa̱ꞌá Ndiosíꞌ sáva ntu kusɨ́ɨ́n rá pedasúꞌ yɨkɨkúñu, chisaꞌ sáva íyó chineí táꞌán ráa.

Jee sɨ́ɨ́n sɨ́ɨ́n ta̱ꞌvi̱ꞌ íyó ya̱ níꞌínꞌ ta ɨɨn ɨɨn‑ó sáni tiñu chíneí re̱ꞌ saꞌá ta ñɨvɨ, soo ɨɨn ni Ta̱chi̱ꞌ Ííꞌ jiáꞌa rá ta̱ꞌvi̱ꞌ vá. Jee sɨ́ɨ́n sɨ́ɨ́n tiñu íyó ya̱ sáꞌá ta ɨɨn ɨɨn‑ó, soo métúꞌún ni I̱toꞌoꞌ‑ó íyó, jee maáréꞌ ví ya̱ chíneí re̱ꞌ yó sátíñú‑ó nu̱u̱nꞌ re̱ꞌ. Jee sɨ́ɨ́n sɨ́ɨ́n íyó rá tiñu sáꞌá ta ɨɨn ɨɨn‑ó, soo métúꞌún ni Ndiosíꞌ íyó jee maáréꞌ ví ya̱ sáꞌá rá tiñu vá iniꞌ ntáká‑ó chi chíneí re̱ꞌ yó sáꞌá‑ó ntáká tiñu ya̱ kuíni re̱ꞌ.

Jee saáva nteñu rá ñɨvɨ yɨ́ꞌɨ́ xi̱ntíín Cristo jee xíꞌna ka̱ꞌ ñani Ndiosíꞌ sava rá te̱e kuniso ráa tiñu apóstol chúichí Cristo ráa stúvi ráa ya̱ nááꞌ jie̱ꞌe̱ꞌ Cristo. Jee ya̱ uvíꞌ, jee ñani re̱ꞌ sava rá ñɨvɨ kuniso ráa tiñu ya̱ nakani ráa rá tu̱ꞌun kéne yuꞌú maáréꞌ. Jee ya̱ uníꞌ, jee ñani re̱ꞌ sava rá ñɨvɨ ya̱ xínéꞌénꞌ ráa tu̱ꞌun váꞌa re̱ꞌ nu̱u̱nꞌ rá ñɨvɨ. Jee kuíre ñani re̱ꞌ sava ñɨvɨ ya̱ sáꞌá rá tiñu a̱nasɨ́ jín fuersáꞌ ííꞌ Ndiosíꞌ. Jee kuíre njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva xínúvi ráa rá ñɨvɨ kúꞌvíꞌ, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva chíneí ráa rá ñanitáꞌán ráa, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva kuneen kuéntáꞌ rá ñɨvɨ ya̱ jínúꞌ iniꞌ ráa Cristo, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva kúvi káꞌánꞌ ráa inka ka̱ꞌ nu̱u̱nꞌ rá tu̱ꞌun káꞌánꞌ ya̱ ntu jiáku̱ꞌun iniꞌ ráa.

Chi suni yɨkɨkúñu ɨɨn ñɨvɨ jee ntu̱ví íchí íyó ɨɨn pedasúꞌ ni, chisaꞌ kue̱ꞌe̱ꞌ rá pedasúꞌ íyó néta̱ꞌán nu̱u̱nꞌ yɨkɨkúñu vá.

Nkúvi sukuán, chisaꞌ rá pedasúꞌ yɨkɨkúñu‑ó ya̱ jiáni iniꞌ‑ó ya̱ táyáꞌ‑a ka̱ꞌ, soo jíniñúꞌún‑ó ráa ka̱ꞌ.

Chi retánꞌ nɨ́ɨ́nkáꞌnú yɨkɨkúñu‑ó kúvi nchinúún, jee, ¿na̱sa kuvi teso̱ꞌo‑ó rúja? Jee saáni retánꞌ nɨ́ɨ́nkáꞌnú yɨkɨkúñu‑ó kúvi so̱ꞌo, jee, ¿na̱sa kuvi ni̱ꞌi̱nꞌ‑ó xikoꞌ taꞌni‑ó rúja? Soo maá Ndiosíꞌ nchu̱táꞌán ta ɨɨn rá pedasúꞌ yɨkɨkúñu‑ó sáni nkuiniꞌ maáréꞌ ya̱ sukuán koo. Jee retánꞌ ntáká rá pedasúꞌ yɨkɨkúñu kúvi ɨɨn ni nu̱u̱nꞌ pedasúꞌ, jee, ¿na̱sa kuvi‑i ɨɨn yɨkɨkúñu rúja?