Popular Bible Verses from રોમનોનેં પત્ર 8

Share

અનેં આપું જાણન્યે હે કે ઝી મનખં પરમેશ્વર નેં પ્રેમ કરે હે, હેંનં હારુ બદ્દી વાતેં મળેંનેં ભલાઈસ પેદા કરે હે, એંતરે હેંનસ મનખં હારુ ઝી હીની મરજી પરમણે પસંદ કરેંલં હે.

પરમેશ્વર દુવારા બણાવેંલં મહું કુઇ બી આપનેં હેંના પ્રેમ થી ઝી આપડા પ્રભુ ઇસુ મસીહ મ હે અલગ નેં કરેં સકે, નેં મોત, નેં જીવન, નેં હરગદૂત, નેં અધિકારી, નેં તે હમણં વાળો ટાએંમ, અનેં નેં આવવા વાળો ટાએંમ, નેં કુઇ શક્તિ, નેં ઉંસાઈ, નેં ઉંડાઈ, પરમેશ્વર દુવારા બણાવેંલી મહી નેં કુઇ બીજી વસ્તુ.

ઇવીસ રિતી પવિત્ર આત્મા હુંદો આપડા વિશ્વાસ ની કમજોરી મ મદદ કરે હે, કેંમકે આપું નહેં જાણતં કે આપડે કીવી રિતી પ્રાર્થના કરવી જુગે, પુંણ આત્મા પુંતે ઉંડી લાગણી થી, ઝી આપું બુંલેંનેં વતાડેં નહેં સક્તં, આપડી હારુ અરજ કરે હે.

ઇની બદ્દી વાતં ના બારા મ આપું હું કીજ્યે? અગર પરમેશ્વર આપડી તરફ હે, તે આપનેં કુઇ નહેં હરાવેં સક્તું.

હાવુ ઝી મનખં ઇસુ મસીહ ની સંગતિ મ હે, હેંનં ઇપેર દંડ નું હોકમ નહેં રિયો.

પાપી સોભાવ ની વાતં ઇપેર મન લગાડવા થી મોત આવે હે, પુંણ પવિત્ર આત્મા ની આત્મિક વાતં ઇપેર મન લગાડવા થી જીવન અનેં શાંતિ મળે હે.

પુંણ ઇની બદ્દી ભુંડી વાતં મ આપું, ઝેંને આપડી હાતેં પ્રેમ કર્યો હે, હેંનેં દુવારા જીતવા કરતં વદેંનેં હે.

હૂં એંતરું જાણું હે કે ઝી મહિમા આપનેં પરમેશ્વર આલવા નો હે, વેયે એંનં દુઃખ કરતં મુટી હે ઝી હમણં આપું વેંઠજ્યે હે.

કુઇ બી આપનેં ઇસુ મસીહ ના પ્રેમ થી અલગ નહેં કરેં સક્તું, નેં સતાવ, નેં મુસિબત, નેં હુંમલો, નેં કાળ, નેં નંગાઈ, નેં જુંખમ, કે તલુવાર

અનેં બદ્દ ના મન ના વિસાર જાણવા વાળો પરમેશ્વર જાણે હે કે પવિત્ર આત્મા હું કેં રિયો હે? કેંમકે વેયો પવિત્ર મનખં હારુ પરમેશ્વર ની મરજી પરમણે અરજ કરે હે.

એંતરે હારુ કે ઝેંતરં મનખં પરમેશ્વર ના આત્મા ની અગવાઈ મ જીવન જીવે હે, વેયસ પરમેશ્વર ન બેંટા-બીટી હે.

કેંમકે ઝી મનખં પાપી સોભાવ ના કાબુ મ હે, વેય પાપી વાતં ના બારા મ વિસારે હે, પુંણ ઝી પવિત્ર આત્મા ના કાબુ મ હે, વેય પવિત્ર આત્મા નેં ખુશ કરવા વાળી વાતં ના બારા મસ વિસારે હે.

ઝેંને પરમેશ્વરેં પુંતાના એક ના એક બેંટા નેં હુંદો નહેં બસાયો, પુંણ હેંને આપં બદ્દ હારુ વેરજ્ય ન હાથં મ હુંપેં દેંદો, વેયો આપનેં ઝી આપડી હાતેં વાએંદો કર્યો હેંતો, વેયુ બદ્દું જરુર આલહે.

પવિત્ર આત્મા પુંતેસ આપડા આત્મા હાતેં ગવાહી આલે હે, કે આપું પરમેશ્વર ન બેંટા-બીટી હે. અનેં અગર આપું હેંનં બેંટા-બીટી હે, તે વારસદાર હુંદં હે, એંતરે પરમેશ્વર ન વારસદાર અનેં ઇસુ મસીહ નેં હાતેં વારસદાર હે, ઝર આપું હેંનેં હાતેં દુઃખ મ ભાગિદાર થહું, તે હેંનેં હાતેં મહિમા મ હુંદં ભાગિદાર થહું.

પાપી સોભાવ ની વાતં ઇપેર મન લગાડવું તે પરમેશ્વર હાતેં વેર રાખવા બરુંબર હે, કેંમકે પાપી સોભાવ નેં તે પરમેશ્વર ના નિયમ ના કાબુ મ હે, અનેં નહેં પરમેશ્વર ના નિયમ નેં પાળેં સક્તો.

કેંમકે આખી દુન્ય એક મુટી આહ થકી હેંના ટાએંમ ની વાટ જુંએં રી હે, ઝર પરમેશ્વર પુંતાનં મનખં નેં બેંટા-બીટી કરેંનેં વતાડહે.

કેંમકે આપું જાણન્યે હે કે પરમેશ્વર ની બણાવેંલી આખી દુન્ય હમણં તક એક બજ્યેર નેં હુવાવેડ થાતી વખત દુઃખાવો થાએ હે, ઇવી રિતી પીડા મ પડીલી વેંલા કરે હે.