Popular Bible Verses from રોમનોનેં પત્ર 4

Share

અનેં નેં વિશ્વાસ મ ડગ-મગ થાએંનેં પરમેશ્વર ના કરેંલા વાએંદા ઇપેર શંકા કરી, પુંણ વિશ્વાસ મ વદારે મજબૂત થાએંનેં પરમેશ્વર ની મહિમા કરી. અનેં હેંનેં પૂરો ભરુંહો હેંતો કે પરમેશ્વરેં ઝીની વાત નો વાએંદો હેંનેં હાતેં કર્યો હે, હેંનેં વેયો પૂરો કરવા મ સામ્રતી હે.

ઝેંવું પવિત્ર શાસ્ત્ર મ લખેંલું હે કે, “મેંહ તનેં બદ્દી જાતિ ન મનખં નો બાપ-દાદો ઠરાયો હે,” પરમેશ્વર ની નજર મ ઇબ્રાહેંમ આપડો બાપ-દાદો હે. હેંને હેંના પરમેશ્વર ઇપેર વિશ્વાસ કર્યો ઝી મરેંલં નેં પાસં જીવતં કરે હે, અનેં ઝી વસ્તુ હેસ નહેં, હીની વસ્તુ નું નામ ઇવી રિતી લે હે માન લો કે વેયે વસ્તુ હે.

ઇસુ મસીહ આપડં પાપં ને બદલે માર દડવા હારુ હવાડવા મ આયો, અનેં આપનેં ધર્મી ઠરાવા હારુ મરેંલં મહો પાસો જીવાડવા મ હુંદો આયો.

ઇબ્રાહેંમ નેં કઇ આહ નેં હીતી તે હુદી આહ રાખેંનેં પરમેશ્વર ઇપેર વિશ્વાસ કર્યો, એંતરે હારુ કે પરમેશ્વર ના કેંવા પરમણે કે, “તારો પરિવાર એંવો થાહે,” વેયો ઘણી બદી જાતિ ન મનખં નો બા વેહ.

હેંનેં લેંદેસ વાએંદો પરમેશ્વર મ વિશ્વાસ ના આધારેં હે, કે હેંના અનુગ્રહ થી ઇબ્રાહેંમ અનેં હીની પીઢી ન મનખં હારુ પાક્કો કરવા મ આવે, આ વાએંદો ખાલી હેંનં હારુસ નહેં ઝી મનખં મૂસા નું નિયમ પાળે હે, પુંણ હેંનં હારુ હુંદો હે ઝી ઇબ્રાહેંમ નેં જુંગ વિશ્વાસ મ જીવન જીવે હે. વેયોસ ઝી આપડો બદ્દનો બાપ-દાદો હે.

“ધન્ય હે વેય ઝેંનના અપરાધ માફ થાયા, અનેં ઝેંનના પાપ ભુલેં જાવા મ આયા હે. ધન્ય હે વેયુ મનખ ઝેંના પાપં ન લેંખં પરમેશ્વર નેં લે.”

પવિત્ર શાસ્ત્ર હું કે હે? ઇયુ કે, “પરમેશ્વરેં ઝી વાએંદો ઇબ્રાહેંમ હાતેં કર્યો હેંતો હેંનેં ઇપેર હેંને વિશ્વાસ કર્યો, અનેં હેંનેસ લેંદે પરમેશ્વરેં હેંનેં ધર્મી ઠરાયો.”