Popular Bible Verses from રોમનોનેં પત્ર 14

Share

કેંમકે પરમેશ્વર ના રાજ મ ખાવું-પીવુંસ નહેં, પુંણ ધાર્મિકતા, મેળ-ભાવ અનેં આનંદ હે ઝી પવિત્ર આત્મા આલે હે. ઝી કુઇ ઇવી રિતી થી મસીહ ની સેવા કરે હે, હેંનેં થી પરમેશ્વર ખુશ થાએ હે, અનેં બીજં મનખં હુંદં હેંનું માન કરે હે.

કેંમકે અગર આપું જીવતં હે, તે પ્રભુ હારુ જીવતં હે, અનેં અગર મરજ્યે હે, તે પ્રભુ હારુ મરજ્યે હે, તે ફેંર આપું જીવજ્યે કે મરજ્યે, પ્રભુ નસ હે.

એંતરે હારુ આપું હમેશા એંવું કરવા ની કોશિશ કરજ્યે, ઝેંનેં થકી બદ્દ મ મેળ-મળાવ અનેં એક બીજા નો વિશ્વાસ મજબૂત થાએ.

એંતરે હારુ હાવુ થી આપું એક-બીજા ના બારા મ ગલત વિસારવા નું સુંડ દીજ્યે, અનેં તમું ઇયુ નકી કર લો કે કુઇ બી બીજા વિશ્વાસી મનખ હારુ ઠોકર ખાવાનું કારણ નેં બણે.

કેંમકે પવિત્ર શાસ્ત્ર મ લખેંલું હે, “પ્રભુ કે હે, મારા જીવ ના હમ, કે બદ્દ મનખં માર હામેં ઢેંસુંણ માંડ દેંહે, અનેં બદ્દ પરમેશ્વર નેં કબુલ કરહે.” તે ફેંર આપડે બદ્દનેં પુંત-પુંતાનં લેંખં-ઝુંકં પરમેશ્વર નેં આલવં પડહે.

ઝી વિશ્વાસ મ કમજોર હે, હેંનેં તમારી સંગતિ મ લેં લો, પુંણ ખાવા ની વસ્તુ ઇપેર હેંનેં હાતેં બબાલ નહેં કરો કે હેંનેં હું ખાવું જુગે અનેં હું નેં ખાવું જુગે.

અનેં તમું બીજા ના નોકર નો નિયા નહેં કરો, વેયુ વિશ્વાસ મ ટકેં રે કે નેં ટકેં રે, ઇયે હેંના માલિક નિસ જવાબદારી હે. પુંણ હેંનેં ટકાવેં રાખવા મ આવહે, કેંમકે પ્રભુ હેંનેં વિશ્વાસ મ મજબૂત કરેં સકે હે.